Lankasri - Tamil News Website | Tamil News Paper | Sri Lanka News Online | Breaking News, Latest Tamil News, Tamil News Lankasri - Lankasri.com

80 அரச நிறுவனங்களில் அதிரடி மாற்றம்: அரசாங்கம் எடுத்துள்ள நடவடிக்கை

2026-11-01T08:30:04+00:00

நாட்டில் 80 இற்கும் மேற்பட்ட அரச நிறுவனங்களை (State Enterprises) விசேடமாக மறுசீரமைத்து தனியார் துறைக்கு நிகரான திறனுடன் இயக்குவதற்கு அரசாங்கம் தீர்மானித்துள்ளது.

நாட்டின் பொருளாதார வளர்ச்சியை விரைவுபடுத்தும் மூலோபாய நகர்வின் ஒரு பகுதியாக இந்நடவடிக்கை எடுக்கப்படவுள்ளது.

இதனடிப்படையில், அரச-தனியார் கூட்டுப் பங்களிப்புகளை (PPP) விரிவுபடுத்துதல், அரச நிறுவனங்களின் நிர்வாகத்தை மேம்படுத்துதல், சுங்க விதிமுறைகளைப் புதுப்பித்தல் மற்றும் தொழிலாளர் சட்டங்களைத் திருத்துதல் உள்ளிட்ட முக்கிய சட்டமூலங்களை 2027 ஆம் ஆண்டு பெப்ரவரி மாதத்திற்குள் நாடாளுமன்றத்தில் சமர்ப்பிப்பதற்கு இலக்கு நிர்ணயிக்கப்பட்டுள்ளது.

தனியார் துறை

அரச மற்றும் தனியார் துறைகளுக்கு இடையே இணைந்த செயல்பாடுகளுக்கான சட்டக் கட்டமைப்பை வழங்குவதை நோக்கமாகக் கொண்ட புதிய அரச நிறுவனங்கள் நிர்வாகச் சட்டமூலம் அமைச்சரவையில் சமர்ப்பிக்கப்பட்டுள்ளது.

அரச நிறுவனங்களில் அரசியல் தலையீடுகளைக் குறைத்து தொழில்முறை மற்றும் சுயாதீன நிர்வாக நடைமுறைகளை அறிமுகப்படுத்துவதே இதன் முதன்மை நோக்கமாகும்.

நீண்டகாலமாக நஷ்டத்தில் இயங்கி வரும் அரச நிறுவனங்களைப் பராமரிப்பதற்காக வரி செலுத்தும் பொதுமக்கள் மீது சுமத்தப்படும் பாரிய நிதியியல் சுமையைக் குறைக்க இச் சட்டமூலம் வழிவகுக்கும் என எதிர்ப்பார்க்கப்படுகின்றது.

இந்தநிலையில் 1869 ஆம் ஆண்டு முதல் நடைமுறையில் உள்ள பழமையான சுங்க விதிமுறைகளை முற்றாக மாற்றியமைப்பதற்கான நடவடிக்கைகள் முன்னெடுக்கப்பட்டு வருகின்றன.

நாட்டின் இறக்குமதி

இதன் மூலம் நாட்டின் இறக்குமதி மற்றும் ஏற்றுமதி செயல்முறைகளை அதிநவீனத் தொழில்நுட்பத்துடன் கூடிய வெளிப்படையான மற்றும் திறமையான அமைப்பாக மாற்ற இலக்கிடப்பட்டுள்ளது.

தற்போது பல்வேறு சட்டங்களின் கீழ் சிதறடிக்கப்பட்டுள்ள தொழிலாளர் சட்டங்களை, நவீன உலகளாவிய தரநிலைகளுக்கு ஏற்ப ஒரே சீரான சட்டக் கட்டமைப்பாக ஒருங்கிணைக்க அரசாங்கம் திட்டமிட்டுள்ளது.

இச் சீர்திருத்தம் உள்நாட்டு வேலைவாய்ப்பு சந்தையின் நெகிழ்வுத்தன்மையையும் கவர்ச்சியையும் கணிசமாக உயர்த்தும் எனக் எதிர்பார்க்கப்படுகிறது.

இதனடிப்படையில் இலங்கையில் பெருமளவிலான உள்கட்டமைப்புத் திட்டங்களின் வளர்ச்சிக்காக உள்நாட்டு மற்றும் வெளிநாட்டுத் தனியார் முதலீடுகளைத் தீவிரமாக ஈர்ப்பதை நோக்கமாகக் கொண்டு புதிய PPP சட்டமூலம் கொண்டுவரப்படவுள்ளமை குறிப்பிடத்தக்கது.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

சுற்றுலாப் பயணியிடம் அத்துமீறலில் ஈடுபட்ட இளைஞர் கைது

2026-11-01T08:25:31+00:00

காலி, ருமஸ்சல ஜங்கிள் கடற்கரை பகுதியில் பிரான்ஸ் நாட்டு பெண் சுற்றுலாப் பயணியொருவரிடம் அத்துமீறிய இளைஞர் ஒருவரை உனவட்டுன சுற்றுலா காவல்துறையினர் கைது செய்துள்ளனர்.

ராகமயிலிருந்து குறித்த சுற்றுலாப் பயணி கடற்கரைக்கு சென்றிருந்த நிலையிலேயே இச்சம்பவம் இடம்பெற்றுள்ளது.

கிடைக்கப்பெற்ற இரகசியத் தகவலையடுத்தே உனவட்டுன சுற்றுலா காவல்நிலைய பொறுப்பதிகாரி தலைமையிலான குழுவொன்று விரைந்து செயற்பட்டு சந்தேக நபரை கைது செய்தது.

நீதிமன்றில் முன்னிலை

முதற்கட்ட விசாரணைகள் மற்றும் அப்பெண்ணின் பாதுகாப்பை உறுதிசெய்த பின்னர், சந்தேக நபர் மேலதிக விசாரணை மற்றும் சட்ட நடவடிக்கைக்காக ஹபரதுவ காவல்துறையினரிடம் ஒப்படைக்கப்பட்டார்.

அவர் இன்று (01) நீதிமன்றத்தில் முன்னிலைப்படுத்தப்படவுள்ளதாக தெரிவிக்கப்பட்டுள்ளது.

செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...!

பாக்ஸ் ஆபிஸ்: ஆதர்ஷ குடும்பம் திரைப்படம் 2 நாட்களில் உலகளவில் செய்துள்ள வசூல்

2026-11-01T08:20:00+00:00

Aadarsha Kutumbam House No: 47 - AK47 Box office: ஆதர்ஷ குடும்பம் திரைப்படம் கடந்த அக்டோபர் 30-ஆம் தேதி வெளியான நிலையில், இதுவரை 2 நாட்களை பாக்ஸ் ஆபிஸில் கடந்துள்ளது. இதுவரை உலகளவில் எவ்வளவு வசூல் செய்துள்ளது என்பது குறித்த தகவல் வெளியாகியுள்ளது; அதைப்பற்றி இந்த பதிவில் பார்க்கலாம்.

ஆதர்ஷ குடும்பம்

தெலுங்கு திரையுலகில் மூத்த முன்னணி நடிகர்களில் ஒருவர் வெங்கடேஷ். இவர் நடிப்பில் இந்த ஆண்டு பெரிதும் எதிர்பார்க்கப்பட்ட திரைப்படம் ஆதர்ஷ குடும்பம் ஹவுஸ் நம்பர்: 47 - AK 47. இப்படத்தை முன்னணி இயக்குநரான திரிவிக்ரம் இயக்கியுள்ளார்.

இப்படத்தில் ஸ்ரீநிதி, யுவினா பார்த்தவி, நிவேதா பெத்துராஜ், சத்யா உள்ளிட்ட பலரும் நடித்துள்ளனர். தமன் இப்படத்திற்கு இசையமைத்துள்ளார். கடந்த அக்டோபர் 30-ஆம் தேதி திரைக்கு வந்த இப்படத்திற்கு ரசிகர்கள் மத்தியில் நல்ல வரவேற்பு கிடைத்துள்ளது.

பாக்ஸ் ஆபிஸ்

ஒவ்வொரு புதிய திரைப்படம் வெளியாகும்போதும், அப்படத்தின் வசூல் விவரங்களை நாம் பார்ப்போம். அந்த வகையில், ஆதர்ஷ குடும்பம் ஹவுஸ் நம்பர்: 47 - AK 47 திரைப்படத்தின் இரண்டு நாட்கள் வசூல் குறித்த விவரம் வெளியாகியுள்ளது.

அதன்படி, இப்படம் ஆந்திராவில் ரூ. 10.75 கோடி, தெலுங்கானாவில் ரூ. 9.25 கோடி, கர்நாடகாவில் ரூ. 3.1 கோடி, இந்தியாவின் மற்ற இடங்களில் (Rest Of India) ரூ. 1.1 கோடி மற்றும் வெளிநாடுகளில் ரூ. 11.5 கோடி என மொத்தமாக உலகளவில் ரூ. 35.7 கோடி வசூல் செய்துள்ளது.

53-வது பிறந்தநாளை கொண்டாடும் ஐஸ்வர்யா ராய் பச்சன் - சொத்து மதிப்பு 100 மில்லியன் டொலர்

2026-11-01T08:15:59+00:00

Aishwarya Rai Bachchan Net Worth and Career: நடிகை ஐஸ்வர்யா ராயின் சொத்து மதிப்பு குறித்து பார்க்கலாம்.

53வது பிறந்தநாளை கொண்டாடும் ஐஸ்வர்யா ராய்

நடிகை ஐஸ்வர்யா ராய் பச்சன் இன்று (நவம்பர் 1) தனது 53வது பிறந்தநாளை கொண்டாடுகிறார். ரசிகர்கள் மற்றும் திரைப்பட உலகினர் சமூக வலைதளங்களில் வாழ்த்துகளை தெரிவித்து வருகின்றனர்.

இந்திய திரைப்பட உலகில் தனது பயணத்தை தொடங்கி, சர்வதேச அளவில் புகழ்பெற்ற முகமாக உயர்ந்துள்ளார். 28 ஆண்டுகளாக நீடிக்கும் அவரது திரைப்பட வாழ்க்கை, சர்வதேச பிராண்டுகளுடன் இணைந்த விளம்பர ஒப்பந்தங்கள், மற்றும் முதலீடுகள் ஆகியவை அவரது பெரும் செல்வத்திற்கு காரணமாகும்.

சொத்து மதிப்பு 100 மில்லியன் அமெரிக்க டொலர்

Celebrity Net Worth இணையதளத்தின் தகவலின்படி, ஐஸ்வர்யா ராயின் மொத்த சொத்து மதிப்பு 100 மில்லியன் அமெரிக்க டொலர் என மதிப்பிடப்பட்டுள்ளது. இது இந்திய நடிகைகளில் மிக உயர்ந்த மதிப்பாகும்.

அவரது கணவர் அபிஷேக் பச்சனின் சொத்து மதிப்பு சுமார் 33 முதல் 34 மில்லியன் டொலர் என கூறப்படுகிறது. இருவரும் திரைப்படம், விளம்பரங்கள், மற்றும் வணிக முதலீடுகள் மூலம் பெரும் வருமானம் ஈட்டுகின்றனர்.

ஐஸ்வர்யா பல ஆண்டுகளாக சர்வதேச அழகு சாதன நிறுவனத்தின் பிராண்டு அம்பாசிடராக உள்ளார். மேலும், சுவிஸ் லக்ஷுரி கடிகார நிறுவனத்துடன் நீண்டகால ஒப்பந்தம் வைத்துள்ளார்.

பச்சன் குடும்பம் இந்தியாவிலும் வெளிநாடுகளிலும் பல அடுக்கு மாடி வீடுகள் மற்றும் வில்லாக்களை வைத்துள்ளது. குறிப்பாக, துபாயில் உள்ள Sanctuary Falls பகுதியில் 16 கோடி ரூபாய் மதிப்புள்ள வில்லா அவர்களின் சொத்துகளில் ஒன்று. மும்பையில் பல அடுக்குமாடி குடியிருப்புகளும் அவர்களிடம் உள்ளன.

ஐஸ்வர்யாவின் கடைசி திரைப்படம் மணி ரத்னம் இயக்கிய “பொன்னியின் செல்வன் II” (2023) ஆகும். இதில் அவர் நந்தினி மற்றும் ஊமை ராணி (மந்தாகினி தேவி) என இரு கதாபாத்திரங்களில் நடித்தார். அவரது சர்வதேச புகழும், பிராண்டு ஒப்பந்தங்களும், திரைப்படப் பயணமும் இன்னும் அவரை உலகளவில் பிரபலமாக வைத்திருக்கின்றன.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள்.

இலங்கை சீரற்ற வானிலையால் 21,000க்கும் மேற்பட்டோர் பாதிப்பு

2026-11-01T08:15:59+00:00

அண்மையில் வீசிய ‘அர்னப்’ புயல் அதனைத் தொடர்ந்து நிலவி வரும் சீரற்ற வானிலையினால் கடந்த ஒக்டோபர் மாதம் 23 ஆம் திகதி முதல் நவம்பர் மாதம் 01 ஆம் திகதி வரையிலான காலப்பகுதியில் நாடு முழுவதும் 19 மாவட்டங்களில் 5,800 குடும்பங்களைச் சேர்ந்த 21,356 பேர் பாதிக்கப்பட்டுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

அனர்த்த முகாமைத்துவ மத்திய நிலையம் வெளியிட்டுள்ள அறிக்கையில், சீரற்ற வானிலையால் இதுவரை 06 பேர் உயிரிழந்துள்ளதுடன், 08 பேர் காயமடைந்துள்ளனர்.

சீரற்ற வானிலை

மேலும் 03 பேர் காணாமல் போயுள்ளனர்.

08 வீடுகள் முழுமையாகவும், 737 வீடுகள் பகுதியளவிலும் சேதமடைந்துள்ளன. நாட்டின் 19 மாவட்டங்களில் உள்ள 137 பிரதேச செயலகப் பிரிவுகள் இச்சீரற்ற வானிலையால் பாதிக்கப்பட்டுள்ளன.

அதிகளவில் இரத்தினபுரி மற்றும் புத்தளம் மாவட்டங்கள் பாதிக்கப்பட்டுள்ளன.

அதன்படி, இரத்தினபுரி மாவட்டத்தில் 15 பிரதேச செயலகப் பிரிவுகளைச் சேர்ந்த 2,666 குடும்பங்களைச் சேர்ந்த 10,051 பேர் பாதிக்கப்பட்டுள்ளனர்.

புத்தளம் மாவட்டத்தில் 11 பிரதேச செயலகப் பிரிவுகளைச் சேர்ந்த 1,850 குடும்பங்களைச் சேர்ந்த 6,900 பேர் பாதிக்கப்பட்டுள்ளனர் எனத் தெரிவிக்கப்பட்டுள்ளது.

வங்காள விரிகுடாவில் உருவாகும் புதிய புயல் - மீண்டும் தீவிரமடையும் கடல் கொந்தளிப்பு!

2026-11-01T08:05:39+00:00

தென்கிழக்கு வங்காள விரிகுடாவில் உருவான காற்றழுத்தத் தாழ்வுப் பகுதி தற்போது ஆழ்ந்த காற்றழுத்தத் தாழ்வுப் பகுதியாக வலுப்பெற்றுள்ளதாகவும், அது மேலும் வலுப்பெற்று இன்று(01.11.2026) புயலாக மாற வாய்ப்புள்ளதாகவும் வளிமண்டலவியல் திணைக்களம் தெரிவித்துள்ளது.

இருப்பினும், இந்த அமைப்பு இலங்கையில் ஏற்படுத்தக்கூடிய தாக்கம் மிகக் குறைவு என வானிலை ஆய்வு திணைக்களத்தின் சிரேஷ்ட வானிலை ஆய்வாளர் மலித் பெர்னாண்டோ குறிப்பிட்டுள்ளார்.

இந்த அமைப்பு இந்தியாவின் ஆந்திரா மற்றும் விசாகப்பட்டினம் கடற்கரைகளை நோக்கி நகர்ந்து வருவதாக அவர் சுட்டிக்காட்டியுள்ளார்.

மேலும், இந்த அமைப்பு இலங்கையை வந்தடைய வாய்ப்பில்லை என்றும், கிடைக்கப்பெற்ற தரவுகளின்படி, தீவின் உள்நாட்டு வானிலை நிலவரங்களில் அதன் தாக்கம் மிகக் குறைவு என்றும் அவர் குறிப்பிட்டுள்ளார்.

பொதுமக்களுக்கான அறிவிப்பு

இருப்பினும், வங்காள விரிகுடாவின் ஆழ்கடல் பகுதிகளில் கப்பல் போக்குவரத்து மற்றும் மீன்பிடி நடவடிக்கைகளில் ஈடுபடும் மக்கள் இது தொடர்பாக குறிப்பாக விழிப்புடன் இருக்க வேண்டும் என்று தெரிவிக்கப்பட்டுள்ளது.

மறு அறிவிப்பு வரும் வரை அந்த ஆழ்கடல் பகுதிகளில் கப்பல் பயணம் செய்வதைத் தவிர்க்குமாறும் கடற்றொழிலாளர்களுக்கு அறிவுறுத்தப்பட்டுள்ளது. இதற்கிடையில், வானிலை ஆய்வு திணைக்களத்தின் சிரேஷ்ட வானிலை ஆய்வாளர் மலித் பெர்னாண்டோ, தீவில் நிலவும் வானிலை நிலவரங்கள் இயல்பான இடைப்பருவ காலப் பண்புகளைக் காட்டுவதாகத் தெரிவித்துள்ளார்.

இதற்கமைய, பிற்பகலில் காற்றின் வேகம் குறைவாக இருப்பதாலும், கீழ் வளிமண்டலத்தில் அதிக ஈரப்பதம் நிலவுவதாலும் உடல் வெப்பநிலை அதிகரிக்கக்கூடும். இந்த நிலைமை அடுத்த சில நாட்களுக்குத் தொடரக்கூடும் என்றும் அவர் மேலும் சுட்டிக்காட்டியுள்ளார்.

இன்று பிற்பகல் 1.00 மணிக்கு மேல் மேற்கு, சப்ரகமுவ, மத்திய, ஊவா மற்றும் தெற்கு மாகாணங்களிலும், அம்பாறை மற்றும் மட்டக்களப்பு மாவட்டங்களிலும் சில இடங்களில் மழை அல்லது இடியுடன் கூடிய மழை பெய்யக்கூடும் என்று வானிலை ஆய்வுத் துறை தெரிவித்துள்ளது.

கடல் கொந்தளிப்பு அதிகம்

இடியுடன் கூடிய மழையின் போது தற்காலிகமாக வீசும் பலத்த காற்று மற்றும் மின்னலால் ஏற்படக்கூடிய அபாயங்களைக் குறைக்கத் தேவையான முன்னெச்சரிக்கை நடவடிக்கைகளை மேற்கொள்ளுமாறு பொதுமக்களுக்கும் அறிவுறுத்தப்பட்டுள்ளது.

குறிப்பாக கிழக்கு, வடமத்திய மற்றும் வடமேற்கு மாகாணங்களில், பிற்பகலில் உடல் வெப்பநிலை அதிகமாகவே இருக்கக்கூடும் என்றும், எனவே இது குறித்துக் கவனம் செலுத்த வேண்டும் என்றும் பொதுமக்களுக்கு கேட்டுக் கொள்ளப்பட்டுள்ளது.

இதற்கிடையில், தீவைச் சுற்றியுள்ள கடல் பகுதிகள் குறித்துக் கருத்துத் தெரிவித்த அவர், புத்தளத்திலிருந்து கொழும்பு, காலி, அம்பாந்தோட்டை வழியாக பொத்துவில் வரையிலும், அங்கிருந்து மட்டக்களப்பு வரையிலும் உள்ள கடலோரக் கடல் பகுதிகளில் ஆங்காங்கே மழை பெய்யக்கூடும் என்றும் குறிப்பிடப்பட்டுள்ளது.

மேலும் அவர், தீவைச் சுற்றியுள்ள கடல் பகுதிகளில் காற்று குறிப்பிட்ட திசையின்றி வீசும் என்றும், காற்றின் வேகம் மணிக்கு 25 முதல் 35 கிலோமீட்டர் வரை இருக்கலாம் என்றும், அதற்கேற்ப கடல் பகுதிகள் சற்றே கொந்தளிப்பாக இருக்கக்கூடும் விளக்கமாக தெரிவித்துள்ளார்.

நேற்று பெயர்ச்சியடைந்த குரு.., பணக்கட்டை அள்ளப்போகும் 3 ராசிகள்

2026-11-01T08:05:00+00:00

நவகிரகங்களின் மங்கள நாயகனாக விளங்கக்கூடியவர் குரு பகவான்.

இவர் ஞானம், படிப்பு, அறிவு, தொழில், திருமணம், குழந்தை பாக்கியம் ஆகியவற்றிற்கு காரணியாக விளங்குபவர்.

இந்நிலையில், குரு பகவான் அக்டோபர் 31 ஆம் திகதியான நேற்று சிம்ம ராசிக்கு அதிசாரமாக இடப்பெயர்ச்சி அடைந்தார்.

அந்தவகையில், நேற்று பெயர்ச்சியடைந்த குருவால் குறிப்பிட்ட 3 ராசிகள் நற்பலன்களை பெறப்போகின்றனர்.

மேஷம்

தன்னம்பிக்கை மற்றும் ஆற்றல் அதிகரிக்கும்.
முக்கிய முடிவுகளை எடுக்கும் திறன் மேம்படும்.
நல்ல நிதி ஆதாயங்கள் கிடைக்கும்.
நல்ல சம்பளத்துடன் புதிய வேலை வாய்ப்புகள் கிடைக்கும்.
சிலருக்கு புதிய பொறுப்புகள் கிடைக்கும்.
புதிய வருமான வாய்ப்புகள் கிடைக்கும்.
முதலீடுகளில் நல்ல லாபம் கிடைக்கும்.
பரம்பரை சொத்துகள் மூலம் ஆதாயம் கிடைக்கும்.

தனுசு

இந்த காலம் மிகவும் சிறப்பாக இருக்கும்.
நல்ல நிதி ஆதாயங்கள் கிடைக்கும்.
புதிய வருமான வாய்ப்புகள் கிடைக்கும்.
நீண்ட நாள் ஆசைகள் நிறைவேறும்.
பணிபுரிபவர்களுக்கு பதவி உயர்வு கிடைக்கும்.
சம்பள உயர்வும் கிடைக்கும்.
ஏற்கனவே செய்த முதலீடுகள் மூலம் நல்ல பலன்கள் கிடைக்கும்.

கும்பம்

வியாபாரத்தில் நல்ல முன்னேற்றம் ஏற்படும்.
புதிய தொழில் வாய்ப்புகள் கிடைக்கும்.
பணிபுரிபவர்களுக்கு இந்த காலம் சாதகமாக இருக்கும்.
வேலை தேடுபவர்களுக்கு நல்ல சம்பளத்துடன் வேலை கிடைக்கும்.
தொழில் மற்றும் வேலை மூலம் வருமானம் அதிகரிக்கும்.
நிதி நிலையில் நல்ல முன்னேற்றம் ஏற்படும்.

இங்கு குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / நம்பிக்கைகள் / ஆன்மீக நூல்கள் ஆகியவற்றில் இருந்து சேகரிக்கப்பட்டவையாகும். எங்கள் நோக்கம் தகவல்களை வழங்குவது மாத்திரமே. (லங்காசிறி நியூஸ் தளம் இதற்கு பொறுப்பேற்காது).

ஹம்பாந்தோட்டை துறைமுக வளாகத்தில் மின்னல் தாக்கியதால் தீ விபத்து

2026-11-01T08:04:15+00:00

ஹம்பாந்தோட்டை துறைமுக வளாகத்தில் நேற்று (31) இரவு தீ விபத்து ஏற்பட்டுள்ளது.

துறைமுக வளாகத்தில் இறக்குமதி செய்யப்பட்ட வாகனங்களை நிறுத்தப் பயன்படுத்தப்படும் இடத்தில், கனமழைக்கு மத்தியில் மின்னல் தாக்கியதால் தீ விபத்து ஏற்பட்டதாக துறைமுக காவல்துறை தெரிவித்துள்ளது.

இந்தச் சம்பவத்தில், அந்த இடத்தில் நிறுத்தப்பட்டிருந்த பல வாகனங்கள் சேதமடைந்தன.

பல வாகனங்கள் சேதம்

ஹம்பாந்தோட்டை பகுதியில் கனமழை மற்றும் இடியுடன் கூடிய புயல் தாக்கியபோது, இரவு 8.45 மணி முதல் 9 மணிக்குள் தீ விபத்து ஏற்பட்டதாகக் கூறப்படுகிறது.

தீயைக் கட்டுப்படுத்த துறைமுக அதிகாரிகள் விரைந்து செயல்பட்டுள்ளனர், இருப்பினும் பல வாகனங்கள் சேதமடைந்துள்ளன.

பாதிக்கப்பட்ட வாகனங்களின் வகைகள் மற்றும் சேதத்தின் சரியான மதிப்பு இன்னும் தெரியாத நிலையில், ஹம்பாந்தோட்டை துறைமுக காவல்துறை மேலதிக விசாரணைகளை நடத்தி வருகிறது.

பண்டிகைக் கால விலையேற்றத்திற்கு முற்றுப்புள்ளி! சதொச ஊடாக அதிரடி நடவடிக்கை

2026-11-01T08:03:38+00:00

பண்டிகை காலங்களில் பொருட்களை நியாயமான விலையில் சதோச விற்பனை நிலையங்கள் ஊடாக வழங்க நடவடிக்கை எடுக்கப்படும் என வர்த்தக, வாணிப, உணவுப் பாதுகாப்பு மற்றும் கூட்டுறவு அபிவிருத்தி அமைச்சர் வசந்த சமரசிங்க, தெரிவித்துள்ளார்.

நேற்று (31-10-2026 பகல் கிளிநொச்சி மாவட்ட செயலக மண்டபத்தில் பனை தென்னை வள கூட்டுறவு சங்க உறுப்பினர்கள் பணியாளர்களையும் கூட்டுறவுத்துறைகள் அதிகாரிகளையும் கூட்டுறவுத் துறை சார்ந்து சந்தித்து கலந்துரையாடி உள்ளார்.

பொருட்களின் விலை

இந்த கலந்துரையாடலின் பின்னர் ஊடகங்களுக்கு கருத்து தெரிவித்த அவர்,

பனை சார் உற்பத்தி பொருட்களை சதோச விற்பனை நிலையங்கள் ஊடாக சந்தை வாய்ப்பை ஏற்படுத்தவும் நவீன தொழில் வசதிகளை பெற்று கொடுத்து அதனை முன்னேற்றுவதற்கு நடவடிக்கை எடுப்பதாகவும் தெரிவித்த அவர் தற்போது பண்டிகை காலம் நெருங்கும் நிலையில் பொருட்களின் விலை அதிகரித்திருப்பதன் காரணமாக நியாய விலை மக்களுக்கு பொருட்கள் சென்றடைய கூடிய வகையில் சதொச ஊடாகவும் பொருட்களை வழங்க முடியும் என்று அவர் தெரிவித்துள்ளார்.

குறித்த கலந்துரையாடலில் கிளிநொச்சி மாவட்ட அரசாங்க அதிபர் சுப்ரமணியம் முரளிதரன் கிளீன் ஸ்ரீலங்கா திட்டத்தினுடைய மாவட்ட இணைப்பாளர் மருங்கள் மோகன் மற்றும் துறை சார்ந்த திணைக்களங்களின் பதவி நிலை உத்தியோகத்தர்கள் பணியாளர்கள் சபை உறுப்பினர்கள் என பலர் கலந்து கொண்டிருந்தனர்.

அமெரிக்காவிலிருக்கும் பசிலுக்கு தொடர் சிக்கல்...! நீதிமன்றம் பிறப்பித்த உத்தரவு

2026-11-01T07:58:39+00:00

முன்னாள் அமைச்சர் பசில் ராஜபக்ச (Basil Rajapaksa) நீதிமன்றத்தில் நேரில் முன்னிலையாகாமல் சட்டத்தரணி ஊடாகப் முன்னிலையாவதற்கு விடுத்த கோரிக்கை நிராகரிக்கப்பட்டுள்ளது.

மாத்தறை நீதவான் சதுர திஸாநாயக்க இந்த கோரிக்கையை நிராகரித்துள்ளார்.

தற்போது அமெரிக்காவில் வசித்து வரும் பசில் ராஜபக்ச, தாம் கடுமையான நோயினால் பாதிக்கப்பட்டுள்ளதாகவும் இதனால் நீண்ட நேர விமானப் பயணத்தை மேற்கொள்ள முடியாது என்றும் தெரிவித்து நீதிமன்றத்தில் மனுவொன்றைச் சமர்ப்பித்துள்ளார்.

காணொளி தொழில்நுட்பம்

இதற்கு மாற்றாக காணொளி தொழில்நுட்பம் (Video Technology) ஊடாக சாட்சியமளிக்கத் தயார் என்றும் அவர் தெரிவித்துள்ளார்.

இந்தநிலையில் நிதி குற்றப் புலனாய்வுப் பிரிவின் (FCID) சார்பில் முன்னிலையான அரச சட்டத்தரணி கலண கொத்தலாவல இக்கோரிக்கைக்குக் கடும் எதிர்ப்புத் தெரிவித்துள்ளார்.

சட்டத்தரணி மூலம் முன்னிலையாவதற்கு அனுமதி கோருவதற்குத் தேவையான விசேட அல்லது விதிவிலக்கான சூழ்நிலை நிலவுவதை உறுதிப்படுத்தும் எந்தவொரு தகுந்த சான்றுகளையும் பிரதிவாதி தரப்பு சமர்ப்பிக்கவில்லை என அவர் சுட்டிக்காட்டியுள்ளார்.

இக் கோரிக்கையை நியாயப்படுத்த முன்வைக்கப்பட்ட காரணங்கள் போதுமானதாக இல்லை மற்றும் ஏற்றுக்கொள்ள முடியாதவை எனத் தெரிவித்த நீதவான், பசில் ராஜபக்சவின் மனுவை நிராகரித்து திறந்த பிடியாணை பிறப்பித்துள்ளார்.

பெறுமதிமிக்க காணி

மாத்தறை, எளியகந்த பகுதியில் அமைந்துள்ள பிரவுன்ஸ் ஹில் (Browns Hill) என்ற பெறுமதிமிக்க காணியை ரூபாய் 50 மில்லியனுக்குக் கொள்வனவு செய்தமை தொடர்பான FCID விசாரணையே இவ்வழக்கின் அடிப்படையாகும்.

அச்சொத்தைக் கொள்வனவு செய்வதற்காகப் பயன்படுத்திய நிதியை ஈட்டிய முறையை வெளிப்படுத்தத் தவறியமையால் பணமோசடி தடுப்புச் சட்டத்தின் கீழ் 4 சந்தேகநபர்களுக்கு எதிராக வழக்குத் தாக்கல் செய்யப்பட்டுள்ளது.

இதில் முதித ஜயகொடி மற்றும் திஸ்ஸ கலாபதி ஆகியோர் நீதிமன்றத்தில் முன்னிலையாகி இருந்தனர்.

அத்தோடு தற்போது கனடாவில் வசித்து வரும் அயோமா கலாபதியின் பெயரிலேயே குறித்த சொத்தின் உறுதிப்பத்திரம் பதிவாகியுள்ளது.

அவரை நீதிமன்றத்தில் முன்னிலையாகுமாறு அறிவித்தல் விடுக்க சட்டமா அதிபர் திணைக்களம் கோரியதையடுத்து, வெளிநாட்டலுவல்கள் அமைச்சு மற்றும் நீதி அமைச்சு ஆகியவற்றின் ஊடாக ஏப்ரல் 27 ஆம் திகதி நீதிமன்றில் முன்னிலையாகுமாறு அவருக்குக் கட்டளை பிறப்பிக்கப்பட்டுள்ளமை குறிப்பிடத்தக்கது.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

அமெரிக்காவால் 10 நிமிடங்களில் ஈரானை அழிக்க முடியும்: ட்ரம்ப் எச்சரிக்கை

2026-11-01T07:52:23+00:00

ஈரானின் அணுசக்தி திறன்கள் பெருமளவில் அழிக்கப்பட்டுவிட்டது. ஒன்று அல்லது இரண்டு தளங்கள் மட்டுமே எஞ்சியுள்ளன. அவற்றை 10 நிமிடங்களில் அமெரிக்காவால் அழிக்க முடியும் என அமெரிக்க ஜனாதிபதி டொனால்ட் ட்ரம்ப், நிருபர்களுக்கு அளித்த பேட்டியொன்றில் தெரிவித்துள்ளார்.

அவர் மேலும் தெரிவித்ததாவது, ”நிலத்தடியில் அமைந்துள்ளதாக கருதப்படும் பிக்ஆக்ஸ் மவுண்டன் அணுசக்தி வளாகத்தை பற்றி அறிவீர்கள். அதை எங்களால் மிக விரைவாக அழிக்க முடியும்.

ஈரான் ஒரு ஒப்பந்தத்தை செய்ய விரும்புகிறது. அதை பொறுத்திருந்து பார்ப்போம். பேச்சுவார்த்தைகள் நன்றாகத்தான் நடக்கின்றன.

பின்வாங்குகிறார்கள்

ஆனால் அவர்கள் அவ்வளவு நம்பகமானவர்கள் அல்ல. அவர்கள் ஒரு ஒப்பந்தத்தை செய்துவிட்டு பிறகு அதிலிருந்து பின்வாங்கி விடுகிறார்கள்” இவ்வாறு அவர் கூறினார்.

மேலும் இதுதொடர்பில் ஈரான் உயர் தலைவர் மொஜ்தபா கொமெய்னி, ”ஈரான் மீது மீண்டும் போர் தாக்குதலை தொடங்க அமெரிக்கா தயாராகி வருகிறது என்று தகவல் வெளியானது. வருகிற 3ஆம் திகதி நடக்கும் அமெரிக்க இடைத்தேர்தலுக்கு பிறகு தாக்குதல்கள் தொடங்கலாம் என்று கூறப்படுகிறது.

இதற்கிடையே அமெரிக்கா தாக்குதலை தொடங்கினால் தக்க பதிலடி கொடுக்கப்படும் என எச்சரித்திருந்தார். இந்த நிலையில்தான் ட்ரம்ப் மேற்கண்டவாறு தெரிவித்துள்ளார்.

முக்கோண கிரிக்கெட் தொடரில் இலங்கை அணிக்கு அபராதம் ; ஐ.சி.சி தீர்மானம்

2026-11-01T07:45:39+00:00

பாகிஸ்தானில் நடைபெற்ற முக்கோண கிரிக்கெட் தொடரில், கடந்த 29ஆம் திகதி லாகூரில் இங்கிலாந்துக்கு எதிராக நடைபெற்ற போட்டியில் நிர்ணயிக்கப்பட்ட நேரத்திற்குள் ஓவர்களை வீசத் தவறியதற்காக இலங்கை அணிக்கு போட்டி கட்டணத்தில் 5% அபராதம் விதிக்கப்பட்டுள்ளது.

இப்போட்டியில் இலங்கை அணி நிர்ணயிக்கப்பட்ட நேரம் முடிவடைந்தபோது ஒரு ஓவர் பின்தங்கியிருந்தது.

மெதுவான பந்துவீச்சு

இதனால் போட்டி நடுவர் ஜெப் குரோவ் இது தொடர்பான குற்றச்சாட்டை முன்வைத்துள்ளார்.

ஐ.சி.சி. நடத்தை விததிகளின் 2.22 பிரிவின்படி, மெதுவான பந்துவீச்சு காரணமாக நிர்ணயிக்கப்பட்ட நேரத்திற்குள் ஓவர்களை வீசத் தவறியமையினால் வீரர்களுக்கு போட்டி கட்டணத்தில் 5% அபராதம் விதிக்கப்பட்டுள்ளது.

இலங்கை அணித் தலைவர் குசல் மெண்டிஸ் குற்றத்தை ஒப்புக்கொண்டுள்ளதால், இதற்காக முறையான விசாரணை எதுவும் நடத்தப்பட வேண்டிய அவசியமில்லை என ஐ.சி.சி. அறிவித்துள்ளது.

போட்டி நடுவர்களாகச் செயற்பட்ட அஹ்சன் ரசா மற்றும் ஷர்புத்துல்லா இப்னே ஷாகித், மூன்றாவது நடுவர் வெய்ன் நைல்ட்ஸ் மற்றும் நான்காவது நடுவர் நசீர் உசேன் ஆகியோர் மெதுவான பந்துவீச்சு குறித்த முறைப்பாடடை அளித்துள்ளனர்.

அக்கா வெப் தொடர் நாயகி கீர்த்தி சுரேஷின் கிளாமர் கிளிக்ஸ்...

2026-11-01T07:45:00+00:00

நெட்பிளிக்ஸ் ஓடிடி தளத்தில் கீர்த்தி சுரேஷ், ராதிகா ஆப்தே உள்ளிட்ட நட்சத்திரங்கள் நடிப்பில் உருவாகி அக்டோபர் 30 ஆம் தேதி ரிலீஸாகியுள்ளது அக்கா வெப் தொடர். கேங்ஸ்டர் கதையாக உருவாகியுள்ள அக்கா வெப் தொடரில் சில கசமுசா காட்சிகளும் இருப்பதாக பார்த்த பலரும் தங்களின் கருத்துகளை பகிர்ந்து வருகிறார்கள்.

அதிலும் கீர்த்தி சுரேஷ், இளைஞர் முன்பு படுக்கையில் ஆடையை விலக்கும் காட்சி இருப்பது பலருக்கும் அதிர்ச்சியை கொடுத்துள்ளது.

இதற்கிடையில் கீர்த்தி சுரேஷ் இன்ஸ்டாகிராமில் ஆக்டிவாக இருந்து கிளாமர் புகைப்படத்தை தற்போது ரிலீஸ் செய்துள்ளார். பாலிவுட் போனாலே இப்படியான ஆடைதான் போல என்று நெட்டிசன்கள் கருத்துக்களை தெரிவித்து வருகிறார்கள்.

View this post on Instagram

A post shared by Keerthy Suresh (@keerthysureshofficial)

பாக்ஸ் ஆபிஸ்: நார்த் அமெரிக்கா பாக்ஸ் ஆபிஸின் உச்சம் ஜெயிலர் 2.. வசூல் சாதனை

2026-11-01T07:40:00+00:00

நார்த் அமெரிக்கா

ரஜினி படங்கள் என்றாலே எப்போதும் நார்த் அமெரிக்காவில் மிகப்பெரிய வரவேற்பு இருக்கும்.

அவருடைய சுமார் படங்கள் கூட அங்கு மிக எளிதாக 3 மில்லியன் டாலர் வசூல் செய்துவிடும், அந்த அளவிற்கு அந்த பகுதியில் தனக்கென ஒரு மிகப்பெரிய சாம்ராஜ்ஜியத்தை உருவாக்கி வைத்துள்ளார்.

பாக்ஸ் ஆபிஸின் உச்சம்

இந்த நிலையில் ஜெயிலர் 2 படம் தான் நார்த் அமெரிக்காவில் இதுவரை வந்த தமிழ் படங்களிலேயே அதிக வசூல் என்ற சாதனையை நிகழ்த்தியுள்ளது.

இதற்கு முன் ஜெயிலர் முதல் பாகம் 7.25 மில்லியன் டாலர் வசூல் செய்ததே முதலிடமாக இருக்க, தற்போது இதை ஜெயிலர் 2 முறியடித்துள்ளது.

தற்போது வரை 7.7 மில்லியன் டாலர் வரை ஜெயிலர் 2 அங்கு வசூல் செய்துள்ளது, இந்திய மதிப்பில் ரூ 73+ கோடி அந்த பகுதியில் மட்டும் வசூல் செய்துள்ளது குறிப்பிடத்தக்கது.

உங்கள் வயிற்று ஆரோக்கியத்தைப் பாதிக்கும் 3 காலை உணவுகள்! என்ன சாப்பிடலாம்?

2026-11-01T07:38:52+00:00

ஆரோக்கியமான வாழ்க்கை முறையைப் பின்பற்ற வேண்டும் என்று நினைப்பவர்கள், தங்களுடைய காலை உணவில் கூடுதல் கவனம் செலுத்துவது மிகவும் அவசியம்.

ஏனெனில், நாம் காலையில் சாப்பிடும் உணவு அன்றைய நாளுக்குத் தேவையான ஆற்றலை வழங்குவதோடு, உடலின் ஒட்டுமொத்த ஆரோக்கியத்திலும் முக்கியப் பங்கு வகிக்கிறது.

குறிப்பாக, காலை உணவில் புரதச்சத்து, நார்ச்சத்து மற்றும் உடலுக்குத் தேவையான ஊட்டச்சத்துகள் நிறைந்த உணவுகளைச் சேர்த்துக்கொள்வது நல்லது.

அதே நேரத்தில், காலையில் வெறும் வயிற்றில் எந்த உணவுகளைச் சாப்பிடுகிறோம் என்பதிலும் கவனம் தேவை. சில உணவுகள் குறிப்பிட்ட நபர்களுக்கு வெறும் வயிற்றில் எடுத்துக்கொள்ளும்போது அமிலத்தன்மை (Acidity), நெஞ்செரிச்சல் அல்லது வயிற்று எரிச்சல் போன்ற அசௌகரியங்களை ஏற்படுத்தலாம்.

வெறும் வயிற்றில் சாப்பிட கூடாத உணவுகள்

சிட்ரஸ் பழங்கள் மற்றும் எலுமிச்சைச் சாறு: ஆரஞ்சு, எலுமிச்சை போன்ற அமிலத்தன்மை கொண்ட பழங்கள் சிலருக்கு வெறும் வயிற்றில் எடுத்துக்கொள்ளும்போது வயிற்று எரிச்சல் அல்லது அசிடிட்டியை ஏற்படுத்தலாம்.

பிளாக் காபி (Black Coffee): காலையில் வெறும் வயிற்றில் காபி குடிப்பது சிலருக்கு வயிற்றில் அமிலச் சுரப்பை அதிகரித்து, நெஞ்செரிச்சல் அல்லது வயிற்று அசௌகரியத்தை ஏற்படுத்த அதிக வாய்ப்பு காணப்படுகின்றது.

காரமான உணவுகள்: அதிக காரம் மற்றும் மசாலா நிறைந்த உணவுகளை வெறும் வயிற்றில் சாப்பிடும்போது சிலருக்கு வயிற்று எரிச்சல் மற்றும் செரிமானப் பிரச்சினைகள் ஏற்பட காரணமாக இருக்கும்.

எனவே, காலை உணவைத் தேர்ந்தெடுக்கும்போது உங்கள் உடலுக்கு ஏற்ற உணவுகளைத் தேர்வு செய்து, சத்தான உணவுகளுடன் நாளைத் தொடங்குவது அவசியம். சிறிய உணவுப் பழக்க மாற்றங்கள்கூட ஆரோக்கியமான வாழ்க்கைக்கு உதவியாக இருக்கும்.

அந்தவகையில் காலையில் சாப்படும் முதல் உணவை எவ்வாறு தெரிவு செய்வது குடல் ஆரோக்கியத்தை பாதுகாக்கும் என்பது குறித்த விரிவான விளக்கத்தை இந்த காணொளி வாயிலாக பார்க்கலாம்.

சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW

ஆபத்தான நிலையில் இருந்த வெளிநாட்டுக் கப்பலின பணியாளரை மீட்ட இலங்கை கடற்படை!

2026-11-01T07:35:26+00:00

வெளிநாட்டு சரக்குக் கப்பல் ஒன்றில் ஏற்பட்ட விபத்தில் காயமடைந்து ஆபத்தான நிலையில் இருந்த பணியாளர் ஒருவரை அவசர மருத்துவ சிகிச்சைக்காக கரைக்கு அழைத்து வர இலங்கை கடற்படையினர் நடவடிக்கை எடுத்துள்ளனர்.

கொழும்பு கடல்சார் தேடுதல் மற்றும் மீட்பு ஒருங்கிணைப்பு மையத்தின் ஒருங்கிணைப்பின் கீழ், இன்று (01) அதிகாலை இந்த மீட்பு நடவடிக்கை முன்னெடுக்கப்பட்டுள்ளது.

மார்ஷல் தீவுகளின் கொடியுடன் பயணித்த “MV SPIRIT OF TOKYO” (IMO 9761231) என்ற சரக்குக் கப்பல் இலங்கைக்கு தெற்கே, இலங்கையின் கடல்சார் தேடுதல் மற்றும் மீட்பு வலயத்தினுள் பயணித்துக் கொண்டிருந்தபோது, அதில் பணியாற்றிய ஒருவர் எதிர்பாராத விபத்தில் சிக்கி நெற்றிப் பகுதியில் காயமடைந்துள்ளார்.

அனுப்பி வைக்கப்பட்ட படகு

இதனையடுத்து, குறித்த பணியாளர் ஆபத்தான நிலையில் இருப்பதாகவும், அவருக்கு அவசர சிகிச்சை வழங்குவதற்காக கரைக்கு அழைத்து வருவதற்குத் தேவையான உதவிகளை வழங்குமாறும் கப்பல் தரப்பிலிருந்து கொழும்பு கடல்சார் தேடுதல் மற்றும் மீட்பு ஒருங்கிணைப்பு மையத்துக்கு அறிவிக்கப்பட்டது.

இதற்குப் பதிலளித்த கடற்படையினர், நோயாளிக்கு வழங்க வேண்டிய ஆரம்பகட்ட மருத்துவ ஆலோசனைகளைத் தொடர்பாடல் மூலம் கப்பலுக்கு வழங்கியுள்ளனர்.

அதன்படி, இன்றைய தினம் குறித்த கப்பல் காலி துறைமுகத்துக்கு அண்மித்த கடற்பகுதிக்கு வந்தபோது, தெற்கு கடற்படை கட்டளையகத்தினால் P 451 படகு அனுப்பி வைக்கப்பட்டது.

அதன் மூலம் காயமடைந்த பணியாளர் கரைக்கு அழைத்து வரப்பட்டு, கப்பலின் உள்ளூர் முகவர் நிறுவனத்தின் ஒத்துழைப்புடன் மேலதிக சிகிச்சைக்காக காலியிலுள்ள தனியார் வைத்தியசாலைக்கு அனுப்பி வைக்கப்பட்டுள்ளமை குறிப்பிடத்தக்கது.

மொஜ்தபா கமேனியின் அதிர வைக்கும் எச்சரிக்கையால் அமெரிக்காவிற்கு காத்திருக்கும் சிக்கல்

2026-11-01T07:34:57+00:00

அமெரிக்கா, இஸ்ரேல் தரப்பிலிருந்து எந்த வகையான அச்சுறுத்தல்கள் வந்தாலும், புவியியல் எல்லைகளைக் கடந்து உடனடியாகப் பதிலடி கொடுக்கப்படும்’ என்று ஈரானின் தலைமை மதகுரு மோஜ்தபா கமேனி எச்சரித்துள்ளாா்.

ராணுவ அதிகாரிகளுடனான ஆலோசனைக் கூட்டத்தில் பங்கேற்றுப் பேசிய அவா், அமெரிக்கா மற்றும் இஸ்ரேலின் சாத்தியமான இலக்குகளின் பட்டியலைப் புதுப்பிக்குமாறும் ராணுவத்தினரைக் கேட்டுக்கொண்டுள்ளாா்.

போா் தொடங்கிய கடந்த பிப். 28-இல் அமெரிக்கா, இஸ்ரேல் நடத்திய தாக்குதலில் படுகாயமடைந்த மோஜ்தபா கமேனி, தந்தை மறைவுக்குப் பிறகு தலைமை மதகுருவாக பொறுப்பேற்ற பிறகும் இதுவரை பொதுவெளியில் தோன்றவில்லை.

இந்நிலையில், அவா் கடந்த சில வாரங்களாக மூத்த அதிகாரிகளைத் தொடா்ந்து சந்தித்து வருவதாக அந்நாட்டு அரசு ஊடகங்கள் தெரிவித்துள்ளன.

வேகமெடுக்கும் அமைதி முயற்சி:

இதற்கு மத்தியில், சா்வதேச எண்ணெய் விநியோகத்துக்கு முக்கியத்துவமான ஹோா்முஸ் நீரிணையை 2 நாள்களுக்குள் முழுமையாகத் திறப்பதற்கான புதிய வரைவுத் திட்டத்துக்கு மத்தியஸ்தா்களுடன் உடன்பாடு எட்டப்பட்டுள்ளதாக ஈரான் வெளியுறவு அமைச்சா் அப்பாஸ் அராக்சி தெரிவித்துள்ளாா்.

இதுகுறித்து அவா் அளித்த பேட்டியில், ‘அமெரிக்க அதிகாரிகளுடன் நேரடிப் பேச்சு நடத்தும் திட்டம் தற்போதைக்கு இல்லை.

அதேநேரம் விரிவான பேச்சுக்கான அமெரிக்காவின் சமீபத்திய முயற்சிகள் நோ்மறையான நகா்வாக உள்ளது. அமெரிக்க துணை அதிபா் ஜே.டி. வான்ஸ் சில நாள்களுக்கு முன் அனுப்பிய கடிதத்தை ஈரான் கவனமாகப் பரிசீலித்துள்ளோம்’ என்றாா்.

யாழில் வெடித்த புதிய சர்ச்சை ; பெரும் குழப்பத்தில் மக்கள்

2026-11-01T07:20:38+00:00

யாழ்ப்பாணம் கந்தரோடையில் தொல்லியல் திணைக்களத்தினரின் கட்டுப்பாட்டில் உள்ள புராதன பௌத்த சின்னங்கள் அமைந்துள்ள பகுதியில் புதிதாக புத்தர் சிலை ஒன்றினை வைத்து வழிபாடுகள் மேற்கொள்ளப்படுவது சர்ச்சையை ஏற்படுத்தியுள்ளது

குறித்த பகுதிக்கு சனிக்கிழமை தென்னிலங்கையில் இருந்து அழைத்து வரப்பட்ட பௌத்தர்கள் புத்தர் சிலையினை அங்கு வைத்து வழிபாடுகளை மேற்கொள்வதுடன் , "பிரித்" ஓதி சமய சடங்குகளிலும் ஈடுபட்டுள்ளனர்.

குறித்த சம்பவமானது பெரும் சர்ச்சையை ஏற்படுத்தியுள்ளதுடன் , அப்பகுதி மக்கள் மத்தியில் குழப்பங்களும் ஏற்பட்டுள்ளன சிலை நிறுவதற்கோ , புதிய கட்டுமானங்களை மேற்கொள்ளவே , பிரதேச சபையிடமோ , தொல்லியல் திணைக்களத்திடமோ எவ்வித அனுமதிகளும் பெறப்படவில்லை என தெரிவிக்கப்படுகிறது.

இதேவேளை இன்றைய தினம் அங்கு வைத்து வழிபாடு செய்யும் புத்தர் சிலையானது , திங்கட்கிழமை யாழ்ப்பாணம் நாக விகாரைக்கு எடுத்து செல்லப்பட்டு , அங்கு பிரதிஷ்டை செய்யப்படும் எனவும் அறிய முடிகிறது.

யாழில் மீன் வாங்கச் செல்பவர்கள் மிகுந்த அவதானம் ; திடீர் சோதனையில் வெளியான அதிர்ச்சித் தகவல்

2026-11-01T07:20:11+00:00

யாழ்ப்பாணம் - உடுப்பிட்டி பகுதியில் பழுதடைந்த மீன்கள் விற்பனை செய்யப்படுவதாக பொதுமக்களிடமிருந்து கிடைத்த முறைப்பாடுகளைத் தொடர்ந்து நேற்று திடீர் சோதனை நடவடிக்கை ஒன்று முன்னெடுக்கப்பட்டுள்ளது.

தவிசாளர், உப தவிசாளர், பிரதேச சபை உறுப்பினர்கள், பொதுச் சுகாதார பரிசோதகர் மற்றும் பிரதேச சபை உத்தியோகத்தர்கள் இணைந்து இந்தச் சோதனை நடவடிக்கையை மேற்கொண்டுள்ளனர்.

பழுதடைந்த மீன்கள்

இதன்போது, நான்கு வியாபாரிகளிடமிருந்து சுமார் 30 கிலோகிராம் வரையான பழுதடைந்த மீன்கள் மற்றும் இறால்கள் கைப்பற்றப்பட்டுள்ளன.

இதனையடுத்து, கைப்பற்றப்பட்ட மீன்கள் மற்றும் இறால்கள் அனைத்தும் அழிக்கப்பட்டுள்ளதாகத் தெரிவிக்கப்படுகிறது.

குறித்த சோதனை நடவடிக்கை மூலம் பொதுமக்களின் சுகாதாரத்தைப் பாதுகாக்கும் நடவடிக்கை முன்னெடுக்கப்பட்டுள்ளது.

வெளிநாட்டு யுவதிக்கு பாலியல் தொல்லை; இலங்கை இளைஞருக்கு நேர்ந்த கதி

2026-11-01T07:15:28+00:00

ரூமஸ்ஸல ஜங்கிள் பீச் பகுதியில் சுற்றுலாப் பயணத்தில் ஈடுபட்டிருந்த 20 வயதுடைய பிரெஞ்சு நாட்டு யுவதியிடம் அத்துமீறிய பாலியல் சேட்டை செய்ததாக சந்தேகிக்கப்படும் 21 வயதுடைய இளைஞர் ஒருவர் பொலிஸாரால் கைது செய்யப்பட்டுள்ளார்.

ராகம பகுதியைச் சேர்ந்த இந்த சந்தேக நபர் இச்சம்பவம் நடந்த நேரத்தில் அப்பகுதிக்குச் சுற்றுலா வந்த ஒருவராவார்.

சட்ட நடவடிக்கை

இச்சம்பவம் குறித்துக் கிடைத்த தகவலின் அடிப்படையில் உனவட்டுன சுற்றுலா பொலிஸ் பிரிவின் அதிகாரிகளால் சந்தேக நபர் கைது செய்யப்பட்டுள்ளார்.

பிரெஞ்சு சுற்றுலா யுவதியின் பாதுகாப்பை உறுதிப்படுத்திய பின்னர் மேலதிக சட்ட நடவடிக்கைகளுக்காக சந்தேக நபரை பொலிஸார் ஹபராதூவ பொலிஸாரிடம் ஒப்படைத்துள்ளனர்.

சந்தேக நபர் இன்று (01) நீதிமன்றத்தில் முன்னிலைப்படுத்தப்படவுள்ளதாக பொலிஸார் தெரிவித்துள்ளனர்.

தென்னிலங்கையில் சுற்றுலாப் பயணிக்கு நேர்ந்த அவலம் - 21 வயது இளைஞர் அதிரடியாக கைது!

2026-11-01T07:09:49+00:00

தென்னிலங்கையின் ருமஸ்ஸலா பகுதியில் உள்ள ஜங்கிள் பீச்சுக்கு சுற்றுலா சென்ற 20 வயதுடைய பிரான்ஸ் நாட்டுப் பெண் ஒருவரை தவறான நடத்தைக்குட்படுத்த முயற்சித்த 21 வயது இளைஞர் ஒருவர் கைது செய்யப்பட்டுள்ளார்.

இந்த சம்பவம் தொடர்பில் மேலும் தெரியவருகையில்,

இலங்கையின் பிரபலமான சுற்றுலாத்தளமாக பார்க்கப்படும் காலி - ருமஸ்ஸலா பகுதியில் உள்ள ஜங்கிள் பீச்சுக்கு சென்ற சுற்றுலா பயணி ஒருவரை, ராகம பகுதியைச் சேர்ந்த இளைஞர் ஒருவர் தவறான நடத்தைக்கு உட்படுத்த முயற்சித்துள்ளார்.

21 வயது இளைஞர் கைது

சம்பவம் தொடர்பில் கிடைத்த தகவலையடுத்து உனவட்டுன சுற்றுலா காவல் பிரிவினர் 21 வயது சந்தேகநபரைக் கைது செய்துள்ளனர்.

பாதிக்கப்பட்ட பிரான்ஸ் நாட்டுப் பெண்ணின் பாதுகாப்பை உறுதிப்படுத்திய பின்னர், மேலதிக சட்ட நடவடிக்கைகளுக்காக சந்தேகநபர் ஹபராதுவ பொலிஸாரிடம் ஒப்படைக்கப்பட்டுள்ளார்.

இந்த நிலையில், சந்தேகநபர் இன்று(01.11.2026) நீதிமன்றத்தில் முன்னிலைப்படுத்தப்படவுள்ளதாகவும் தெரிவிக்கப்பட்டுள்ளது.

44 வயதிலும் குறையாத இளமை - படுவைரலாகும் நடிகை ஸ்ரேயா சரண்னின் நியூ லுக்!

2026-11-01T07:07:03+00:00

நடிகை ஸ்ரேயா சரண் ட்ரெண்டிங் ஆடையில் அசத்தல் போஸ் கொடுத்து அசத்தியுள்ளார். தனது லேட்டஸ்ட் கிளாமர் போட்டோஷூட் புகைப்படங்களை இன்ஸ்டாகிராமில் பகிர்ந்துள்ள நிலையில், அந்தப் புகைப்படங்கள் ரசிகர்களின் லைக்குகளையும், பாராட்டுகளையும் குவித்து வருகின்றன.

நடிகை ஸ்ரேயா சரண்

ஒருகாலத்தில் தமிழ், தெலுங்கு என பல மொழிகளிலும் டாப் ஹீரோயினாக ஜொலித்து வந்தவர் தான் ஸ்ரேயா சரண். தமிழ் சினிமாவில் இவர் ரஜினி, விஜய் எனப் பல தென்னிந்திய முன்னணி ஹீரோக்களுடன் நடித்து சூப்பர் ஹிட் படங்களை கொடுத்தவர்.

பட வாய்ப்புகள் குறை ஆரம்பித்ததும் தனது நீண்ட நாள் காதலரான அன்ரீவ் கோஸ்சிவ் என்பவரை திருமணம் செய்து கொண்டார்.

இந்த தம்பதிகளுக்கு பெண் குழந்தை உள்ளது. தற்போது நீண்ட இடைவெளிக்கு பின்னர் மீண்டும் இந்தி, தெலுங்கு, கன்னடம் உள்ளிட்ட மொழிகளில் குணச்சித்திர வேடங்களில் நடிக்க ஆரம்பித்திருக்கின்றார்.

தற்போது 44 வயதாகும் இவர் ஒரு குழந்தைக்கு தயாக இருக்கும் போதும் கூட இளம் நடிகைகளுக்கே டஃப் கொடுக்கும் வகையில் ஒல்லியான உடலுடன் என்றும் இளமையாக இருந்து வருகின்றார்.

சமூக வலைத்தளங்களிலும் ஸ்ரேயா எப்போதும் ஆக்டிவாக இருந்து வருகிறார். குறிப்பாக, இன்ஸ்டாகிராமில் இவர் பகிரும் ஒவ்வொரு போட்டோஷூட் புகைப்படமும் ரசிகர்களின் கவனத்தை எளிதில் ஈர்த்து இணையத்தில் வைரலாகி விடும்.

அந்த வகையில், தற்போது அழகிய ட்ரெண்டிங் சேலையில் விதவிதமான ஸ்டைலில் போஸ் கொடுத்து அசத்தியுள்ளார் ஸ்ரேயா. தனது லேட்டஸ்ட் கிளாமர் போட்டோஷூட் புகைப்படங்களை இன்ஸ்டாகிராமில் பகிர்ந்துள்ள நிலையில், அந்தப் புகைப்படங்கள் ரசிகர்களின் லைக்குகளையும், பாராட்டுகளையும் குவித்து வருகின்றன.

View this post on Instagram

A post shared by Shriya Saran (@shriya_saran1109)

Biotin Rich Foods: கருமையான கூந்தலுக்கு சாப்பிட வேண்டிய உணவுகள்

2026-11-01T07:04:02+00:00

Biotin Rich Foods: தலைமுடிக்கு மிக அத்தியாவசியமான பயோட்டின் அல்லது விட்டமின் பி7 நீரில் கரையக்கூடியதாகும்.

முடி வளர்ச்சிக்கு தேவையான கெரட்டின் புரதத்தை உருவாக்குவதில் முக்கிய பங்காற்றுகிறது, பயோட்டின் அளவு போதுமான அளவில் இருக்கும் போதே முடி அடர்த்தியாகவும், எளிதில் உடையாத வண்ணமும் இருக்கும்.

இதற்காக மாத்திரைகள் எடுத்துக்கொள்வதை விட இயற்கையான வீட்டில் இருக்கும் உணவுகளை கொண்டே முடி வளர்ச்சியை ஆரோக்கியப்படுத்தலாம்.

முட்டையின் மஞ்சள் கரு

பயோட்டினுக்கான மிக சிறந்த மூல ஆதாரமாக முட்டையை குறிப்பிடலாம், பெரிய அளவிலான ஒரு முட்டையில் 10 மைக்ரோகிராம் பயோட்டின் உள்ளது. இதுதவிர பாதாம் மற்றும் வால்நட்களில் பயோட்டின் ஜிங்க் அதிகம் இருப்பதால் காலை உணவுடன் சேர்த்து தினமும் எடுத்துக்கொள்வது பலனை கொடுக்கும்.

சால்மன் மீன்கள்

பயோட்டின் மற்றும் ஓமேகா 3 கொழுப்பு அமிலங்கள் நிறைந்த சால்மன் மீன்களை அடிக்கடி உணவில் சேர்த்துக்கொள்ளுங்கள். மத்தி மற்றும் கானாங்கெளுத்தி மீன்களிலும் இவை காணப்படுகின்றன. ஒமேகா 3 மற்றும் பயோட்டின் கலவை தலைமுடிக்கு தேவையான ஈரப்பதத்தை கொடுப்பதுடன் முடி வளர்ச்சிக்கு தேவையான புரதத்தை கொடுக்கிறது.

கீரைகள்

பசலைக்கீரையில் பயோட்டின், இரும்புசத்து, விட்டமின் சி மற்றும் போலேட் அதிகம் உள்ளது, குறித்த ஊட்டச்சத்துகள் முடியின் மயிர்கால்களுக்கு தேவையான சத்துக்களை வழங்குகிறது, வாரத்திற்கு மூன்று முறை கீரைகளை உணவில் சேர்த்துக்கொள்ளுங்கள்.

சர்க்கரை வள்ளிக்கிழங்கு

நார்ச்சத்து மற்றும் பயோட்டின் நிறைந்துள்ள சர்க்கரைவள்ளிக்கிழங்கு செரிமான மண்டலத்தை வலுப்படுத்துவதால் குடல் ஆரோக்கியம் மேம்படுகிறது, இதனால் முடி வளர்ச்சிக்கு தேவையான ஊட்டச்சத்துக்கள் கிடைக்கப்பெற்று ஆரோக்கியமான வலுவான கூந்தலை பெறலாம்.

டிரான்ஸ்பரன்ட் சேலையில் நடிகை ஸ்ரீலீலா போட்டோஷூட்

2026-11-01T07:00:00+00:00

நடிகை ஸ்ரீலீலா இன்று இந்திய திரையுலகில் மிகவும் பிரபலமான நடிகையாக இருக்கிறார். இவரது நடிப்பை காட்டிலும் நடனத்தை ரசிப்பவர்கள் ஏராளமானோர் உள்ளனர். இவரது நடிப்பில் அடுத்ததாக தமிழில் ஓம் திரைப்படம் உருவாகி வருகிறது. இப்படத்தில் முதல் முறையாக தனுஷுடன் இணைந்து நடித்து வருகிறார் என்பது குறிப்பிடத்தக்கது.

நடிகை ஸ்ரீலீலா தனது இன்ஸ்டாகிராமில் போட்டோஷூட் புகைப்படங்களை வெளியிடுவதை வழக்கமாக வைத்துள்ளார். அந்த வகையில், தற்போது சேலையில் எடுத்துக்கொண்ட சமீபத்திய லேட்டஸ்ட் போட்டோஷூட் புகைப்படங்களை பதிவிட்டு ரசிகர்களை கவர்ந்துள்ளார். இதோ அந்த புகைப்படங்கள்:

100 சதம் விளாசிய சச்சின்!! உலகின் முதல் கிரிக்கெட் மைதானத்தில் செஞ்சுரியே அடிக்கவில்லையாம்..

2026-11-01T06:59:08+00:00

சச்சின் டெண்டுல்கர்

கிரிக்கெட்டின் லிட்டில் மாஸ்டர் பிளாஸ்டர் என்று அழைக்கப்படும் சச்சின் டெண்டுல்கர் தன்னுடைய 24 ஆண்டுகால சர்வதேச கிரிக்கெட் பயணத்தில் எக்கச்சக்கமான சாதனைகளை படைத்திருக்கிறார்.

உலக புகழ்பெற்ற மைதானங்களில் சதங்களை விளாசித்தள்ளிய மாஸ்டர் பிளாஸ்டர் கிரிக்கெட்டின் முதல் மைதானமான லண்டன் லார்ட்ஸ் மைதானத்தில் மட்டும் தன் வாழ்நாளில் ஒரு சதம் கூட அடிக்கவில்லை என்பது பலருக்கும் தெரியாத ஒன்று. லார்ட்ஸ் மைதானத்தில் சச்சின் மொத்தம் 8 சர்வதேச போட்டிகளில் ஆடியுள்ளார்.

அதில் 5 டெஸ்ட் போட்டிகளில் மட்டுமே வெறும் 195 ரன்கள் மட்டுமே அடித்திருக்கிறாராம். அதேபோல் 3 ஒருநாள் போட்டிகளில் விளையாடி வெறும் 45 ரன்களை மட்டுமே அடித்துள்ளார். 100 சதங்களை விளாசிய ஒரே வீரர் சச்சின் சர்வதேச அரங்கில் 34 ஆயிரத்திற்கும் அதிகமான ரன்களை அடித்து முடிசூடா மன்னனாக திகழ்கிறார்.

அப்படி 24 ஆண்டுகள் கிரிக்கெட் ஆடிய சச்சின் லார்ட்ஸ் ஸ்டேடியத்தில் மோசமான ரெக்கார்ட் வைத்திருப்பது பலருக்கும் அதிர்ச்சியாக இருந்து வருகிறது. ஆனால் லார்ட்ஸ் மைதானத்தில் சச்சினுக்கு தனி மியூசியம் வைத்துள்ளது குறிப்பிடத்தக்கது.