இந்நிலையில், நாளை மதியம் 12 மணியளவில் வல்வெட்டித்துறை சந்தியில் அன்னாரின் பூதவுடல் பொதுமக்களின் அஞ்சலிக்காக வைக்கப்படும்.
பின்னர், வல்வெட்டித்துறை ஊறணி இந்து மயானத்திற்கு அன்னாரது பூதவுடல் எடுத்துச் செல்லப்பட்டு தகனம் செய்யப்படும் என அறிவிக்கப்பட்டுள்ளது.
]]>அன்னாரின் இறுதிக்கிரியைகள் நாளை 16.11.2026 திங்கட்கிழமை காலை 10.00 மணிக்கு, அவர் வசித்து வந்த வல்வெட்டித்துறை, நெடியகாடு, கல்றோட் வீதியிலுள்ள இல்லத்தில் நடைபெறவுள்ளது.
இந்நிலையில், அவரின் மறைவினையொட்டி அரசியல்வாதிகள், தமிழ்த்தேசிய உணர்வாளர்கள் உள்ளிட்ட பலர் தங்களது இரங்கலை்களை தெரிவித்து வருகின்றனர்.
நாடாளுமன்ற உறுப்பினர் றஜீவன் ஜெயச்சந்திரமூர்த்தி
தமிழ்த் தேசிய இனத்தின் விடுதலைக்காகவும், தமிழ் மக்களின் உரிமைகளுக்காகவும் தனது வாழ் நாளையே அர்ப்பணித்த ஒரு தனித்துவமான தலைவரை இன்று நாம் இழந்திருக்கின்றோம். தமிழ் மக்களுக்கு எங்கெல்லாம் துன்பங்களும் அநீதிகளும் இழைக்கப்பட்டனவோ, அங்கெல்லாம் அவரது குரல் ஓங்கி ஒலித்தது.
உள்ளூர் ஆட்சி சபைகள், நாடாளுமன்றம் முதல் சர்வதேச அரங்குகள் வரை, தமிழ் மக்கள் வாழும் உலகின் பல்வேறு பகுதிகளிலும் தமிழ் மக்களின் அவலங்களையும் உரிமைக் கோரிக்கைகளையும் எடுத்துரைத்தவர் அவர்.
அரசியல் எல்லைகளையும் பதவிகளையும் கடந்து, தமிழ் மக்களின் தேசிய உணர்வையும் உரிமைப் போராட்டத்தையும் தனது வாழ்வின் முக்கிய இலட்சியமாகக் கொண்டு செயற்பட்டவர். எத்தகைய அச்சுறுத்தல் வந்த போதும் ஒரு போதும் அடிபணியாத தலைமகனார். அவரது அரசியல் நிலைப்பாடுகள், அர்ப்பணிப்பு மற்றும் தமிழ் மக்களுக்காக அவர் ஆற்றிய பணிகள் என்பன தமிழ் மக்களின் அரசியல் வரலாற்றில் என்றும் நினைவுகூரப்படும்.
தமிழ் மக்களுக்கு கிடைத்த ஓர் அரும்பெரும் சொத்தாகவே அவரை நாம் நினைவுகூர்கின்றோம். அண்மையில் வல்வெட்டித்துறையில் அவரை நேரில் சந்தித்து, அவரது சுகநலன் குறித்து அக்கறையுடன் விசாரிப்பதற்கும், அப்பகுதியின் அபிவிருத்தி விடயங்கள் தொடர்பில் அவருடன் கலந்துரையாடுவதற்கும் கிடைத்த வாய்ப்பு எனது நினைவுகளில் என்றும் நிலைத்திருக்கும்.
அரசியலில் எமக்கிடையே கருத்து வேறுபாடுகள் இருந்திருக்கலாம். ஆனால் தமிழ் மக்களின் நலன், உரிமை மற்றும் எதிர்காலம் என்ற விடயங்களில் அவரது அர்ப்பணிப்பையும் பணிகளையும் மதிப்புடன் நினைவுகூர்கின்றேன். என்றென்றும் மதிக்கிறேன்.
அன்னாரின் இழப்பால் துயருற்றிருக்கும் அவரது குடும்பத்தினர், உறவினர்கள், நண்பர்கள் மற்றும் ஒட்டுமொத்த தமிழ் மக்களுக்கும் எனது ஆழ்ந்த இரங்கலையும் அனுதாபங்களையும் தெரிவித்துக்கொள்கின்றேன் அன்னாரின் அரசியல் மற்றும் சமூகப் பணிகள் வரலாற்றில் நிலைத்திருக்கும். ஓம் சாந்தி என அரங்கல் தெரிவித்துள்ளார்.
]]>
2026 மே மாதம் பெலாரஸிற்கு வெளியுறவு, வெளிநாட்டு வேலைவாய்ப்பு மற்றும் சுற்றுலா அமைச்சர் விஜயத ஹெரத் மேற்கொண்ட உத்தியோகபூர்வ பயணத்தைத் தொடர்ந்து இந்த தீர்மானம் மேற்கொள்ளப்பட்டுள்ளது.
இதற்கிடையில், தற்போது பெலாரஸில் கல்வி பயிலும் இலங்கை மாணவர்களைச் சந்திக்க விரும்பும் குடும்ப உறுப்பினர்களுக்கான விசா விண்ணப்ப நடைமுறைகளை எளிதாக்குவதற்கான நடவடிக்கைகள் ஆரம்பிக்கப்பட்டுள்ளன.
இந்த நடவடிக்கைகள், பெலாரஸில் உயர்கல்வி பயில விரும்பும் இலங்கை மாணவர்களுக்கு நிதி நிவாரணம் அளிப்பதோடு, அவர்களது குடும்பத்தினர் அவர்களைச் சந்திப்பதை எளிதாக்கும் என்றும் எதிர்பார்க்கப்படுகிறது.
பெலாரஸ் நாட்டின் இந்தத் தீர்மானம் மாணவர்களின் கல்விக்கு உதவியாக இருக்கும் என்பது குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
ஆந்திர பிரதேசத்தின் பிரகாசம் மாவட்டத்தில் உள்ள கிராமத்தில் பிறந்தவர் கிரி பாபு. இளம் வயதிலேயே நாடக கலையின் மீது கொண்ட ஆர்வத்தால் திரையுலகில் நுழைந்தார். 1973-ஆம் ஆண்டு வெளிவந்த 'ஜகமே மாயா' படத்தின் மூலம் நடிகராக அறிமுகமானார். முதலில் கதாநாயகனாக நடித்து வந்தாலும், பின் வில்லன் மற்றும் நகைச்சுவை கதாபாத்திரங்களிலும் தனது தனித்துவமான நடிப்பை வெளிப்படுத்தினார்.
கடந்த 50 ஆண்டுகளுக்கும் மேலாக திரையுலகில் பயணித்து வரும் இவர், இதுவரை 600-க்கும் மேற்பட்ட திரைப்படங்களில் நடித்துள்ளார். எம்.டி. ராமராவ், நாகேஸ்வர ராவ், சிரஞ்சீவி, மோகன் பாபு உள்ளிட்ட பல முன்னணி நட்சத்திரங்களுடன் நடித்து கிரி பாபு நடித்திருக்கிறார் என்பது குறிப்பிடத்தக்கது.
தெலுங்கு திரையுலகில் தனக்கென்று தனி இடத்தை பிடித்துள்ள கிரி பாபுவின் மறைவு அனைவருக்கும் அதிர்ச்சியை கொடுத்துள்ளது. இவருக்கு ரகு பாபு மற்றும் போஸ் பாபு ஆகிய இரு மகன்களும், ஒரு மகளும் உள்ளனர். இதில், ரகு பாபு என்பவர் தெலுங்கில் மிகவும் பிரபலமான நகைச்சுவை நடிகர் ஆவார். கிரி பாபுவின் மறைவுக்கு தெலுங்கு திரையுலகினரும், ரசிகர்களும் தங்களது இரங்கலை சமூக வலைத்தளங்கள் மூலம் தெரிவித்து வருகின்றனர்.
]]>தென்கிழக்கு வங்கக்கடலில் நிலவும் ஆழ்ந்த காற்றழுத்தத் தாழ்வுப் பகுதி இன்று காற்றழுத்தத் தாழ்வு மண்டலமாக வலுப்பெற உள்ளது.
இது மேற்கு - வடமேற்கு திசையில் நகர்ந்து, நாளை மாலை புயலாக மாறக்கூடும். மேலும், இந்தப் புயல் தீவிர புயலாக வலுப்பெறவும் வாய்ப்புள்ளது.
மேற்கு தொடர்ச்சி மலை மாவட்டங்கள் மற்றும் தென் தமிழகத்தின் ஓரிரு இடங்களில் இன்றும், நாளையும் மிதமான மழை பெய்யக்கூடும்.
மேலும், சென்னையில் இன்று லேசான மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது.
தென்மேற்கு வங்கக்கடல் பகுதியில் வரும் 18ஆம் தேதி வரை சூறைக்காற்று வீசக்கூடும் என்பதால், மீனவர்கள் கடலுக்குச் செல்ல வேண்டாம் என எச்சரிக்கப்பட்டுள்ளனர்.
இதற்கிடையில், உயிர் மற்றும் உடைமைகளைப் பாதுகாக்கும் மீட்புப் பணிகளுக்காக கப்பல்கள் மற்றும் விமானங்கள் தயார் நிலையில் இருப்பதாக இந்திய கடலோரக் காவல்படை தெரிவித்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நிகவரட்டிய பொலிஸ் பிரிவைச் சேர்ந்த பொலிஸ் உத்தியோகத்தர் ஒருவர் சந்தேகத்திற்கிடமான மோட்டார் சைக்கிளை நிறுத்தி சோதனையிட்டுள்ளார்.
இதன்போது, மோட்டார் சைக்கிளில் இருந்த ஒருவரிடம் ரிவோல்வர் துப்பாக்கிக்குப் பயன்படுத்தப்படும் 4 தோட்டாக்கள் கண்டுபிடிக்கப்பட்டுள்ளன.
இதனையடுத்து மோட்டார் சைக்கிள் ஓட்டுநர் வாகனத்தைக் கைவிட்டு தப்பியோடியுள்ளார்.
மற்றைய நபர் பொலிஸ் உத்தியோகத்தரின் மோட்டார் சைக்கிளைக் கைப்பற்றி தப்ப முயன்றபோது ஏற்பட்ட மோதலைத் தொடர்ந்து அவரும் தப்பியோடியுள்ளார்.
பின்னர் பொலிஸார் மேற்கொண்ட தேடுதலில் ஒரு ரிவோல்வர் துப்பாக்கி, மேலும் 5 தோட்டாக்கள் மற்றும் சந்தேகநபர்கள் பயன்படுத்திய மோட்டார் சைக்கிள் ஆகியவை மீட்கப்பட்டுள்ளன.
இந்த நிலையில், தப்பியோடிய இரு சந்தேக நபர்களையும் கைது செய்வதற்காக தம்புத்தேகம பொலிஸார் மேலதிக விசாரணைகளை முன்னெடுத்து வருகின்றனர்.
]]>பிரித்தானியாவின் வடக்கு மான்செஸ்டரில் Crumpsall பகுதியில் உள்ள Moss Bank சாலையில் 27 வயது இளைஞர் ஒருவர் கத்திக்குத்து காயங்களுடன் கிடப்பதாக அவசர உதவி பிரிவினருக்கு தகவல் தெரிவிக்கப்பட்டது.
இதையடுத்து சம்பவ இடத்திற்கு விரைந்த பொலிஸார் மற்றும் மீட்புப் படையினர், உடலில் பல்வேறு இடங்களில் கத்திக்குத்து காயங்களுடன் உயிருக்கு போராடி கொண்டிருந்த இளைஞரை மருத்துவமனைக்கு கொண்டு சென்றனர்.
இருப்பினும் அவர் மருத்துவமனைக்கு செல்லும் வழியிலேயே உயிரிழந்து விட்டதாக பின்னர் அறிவிக்கப்பட்டார்.
இது தொடர்பாக தற்போது கொலை வழக்கு பதிவு செய்துள்ள கிரேட்டர் மான்செஸ்டர் காவல்துறை, கருப்பு நிற உடை மற்றும் முகமூடி அணிந்த சில நபர்களால் உயிரிழந்த இளைஞர் தாக்கப்பட்டு இருக்கலாம் என தெரிவித்துள்ளனர்.
தாக்குதலுக்கு பிறகு அங்கிருந்து தப்பியோடி அவர்கள் இதுவரை கைது செய்யப்படவில்லை.
தடயவியல் நிபுணர்கள் சம்பவ இடத்தில் தடயங்களை சேகரித்து வருகின்றனர். இந்நிலையில் குற்றத்தை நேரில் பார்த்தவர்கள் அல்லது இது குறித்து தகவல் தெரிந்தவர்கள் முன்வந்து உதவுமாறு காவல்துறையினர் பொதுமக்களிடம் வேண்டுகோள் விடுத்துள்ளனர்.
இது தொடர்பில் ஊடகங்களிடம் அவர் மேலும் கூறுகையில்,
"சர்வதேச நாணய நிதியத்துடனான உடன்படிக்கை மற்றும் அதன் தொடர்ச்சியான வேலைத்திட்டங்கள் குறித்து தற்போதைய அரசு எதிர்காலத்தில் எவ்வாறான முடிவை எடுக்கும் என்பது எனக்குத் தெரியாது.
எனினும், நாட்டின் தற்போதைய பொருளாதாரச் சூழலைக் கருத்திற்கொண்டு, இன்னும் குறைந்தபட்சம் 4 ஆண்டுகளுக்கு அந்தத் திட்டத்துடன் தொடர்ந்தும் பயணிப்பதே நாட்டுக்குப் பலன் தரும் செயலாகும்.
எனினும், தற்போதைய தேசிய மக்கள் சக்தி அரசின் ஆட்சியின் கீழ் நாட்டின் வெளிநாட்டு நாணயக் கையிருப்பு மிகக் குறைந்த மட்டத்திலேயே (ஒரு வீதம் மாத்திரமே) அதிகரித்துள்ளதாகத் தெரிகின்றது.
அதேவேளை, நாட்டுக்குத் தேவையான அளவில் வெளிநாட்டு நேரடி முதலீடுகள் ஈர்க்கப்படுவதற்கான சாதகமான சூழலும் தற்போது வெளிப்படையாகத் தெரியவில்லை" என குறிப்பிட்டுள்ளார்.
]]>அதன்படி தென்கிழக்கு வங்காள விரிகுடா கடற்பரப்பு மற்றும் காங்கேசன்துறையிலிருந்து திருகோணமலை, பொத்துவில் ஊடாக ஹம்பாந்தோட்டை வரையான கடற்பரப்புகளில் பயணிக்கும் பலநாள் கடற்றொழில் படகுகளுக்கு இந்த எச்சரிக்கை விடுக்கப்பட்டுள்ளது.
இலங்கைக்கு கிழக்கே வங்காள விரிகுடா கடற்பரப்பில் நிலவும் குறைந்த காற்றழுத்தப் பிரதேசம் வடக்கு நோக்கிய சாய்வுடன் வடமேற்குத் திசையில் நகர்ந்து, இன்று (15) காற்றழுத்தத் தாழ்வு மண்டலமாக வலுவடைய அதிக வாய்ப்புள்ளதாக வளிமண்டலவியல் திணைக்களம் தெரிவித்துள்ளது.
இதற்கமைய, குறித்த வானிலைத் தொகுதி நாளை (16) மத்திய வங்காள விரிகுடா கடற்பரப்பில் புயலாக வலுவடையக்கூடும் எனவும் திணைக்களம் குறிப்பிட்டுள்ளது.
இதன் காரணமாக, வட அட்சரேகை 5 முதல் 15 வரையிலும், கிழக்கு நெடுங்கோடு 80 முதல் 90 வரையிலும் அமைந்துள்ள கடற்பரப்புகளிலும், காங்கேசன்துறையிலிருந்து திருகோணமலை, பொத்துவில் ஊடாக ஹம்பாந்தோட்டை வரையான கடற்பரப்புகளிலும் மறு அறிவித்தல் வரை கடற்றொழில் மற்றும் கடல்சார் நடவடிக்கைகளில் ஈடுபடுவதைத் தவிர்க்குமாறு அறிவுறுத்தப்பட்டுள்ளது.
அத்துடன், ஏற்கனவே குறித்த கடற்பரப்புகளில் கடற்றொழில் மற்றும் கடல்சார் நடவடிக்கைகளில் ஈடுபட்டுள்ளவர்கள் உடனடியாகப் பாதுகாப்பான இடங்களை நோக்கிச் செல்லுமாறும் வளிமண்டலவியல் திணைக்களம் மேலும் அறிவுறுத்தியுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
ஆங்கிலக் கால்வாயைக் கடந்து பிரித்தானியாவிற்குச் செல்வதற்காக ரப்பர் படகில் ஏற முயன்றபோது ஏற்பட்ட நெருக்கடியில், 20 வயது கடந்த ஒரு ஆணின் சடலம் பிரான்ஸ் கடற்கரை ஒன்றில் கண்டெடுக்கப்பட்டுள்ளது.
இன்று காலை லெ டூக்கெட் (Le Touquet) நகருக்கு அருகிலுள்ள செயின்ட்-செசில் (Sainte-Cecile) கடற்கரையில் அந்த சடலம் கண்டெடுக்கப்பட்டுள்ளது.
கடற்கரையில் புலம்பெயர்ந்தோர் ஒரு ரப்பர் படகில் ஏறியதைத் தொடர்ந்து, பிரான்சின் செயல்பாட்டுக் கண்காணிப்பு மையத்தின் (CROSS) மீட்புக் குழுவினர் இரவோடு இரவாக களமிறக்கப்பட்டனர்.
பிரெஞ்சு அதிகாரிகள் அந்தப் படகு புறப்பட்டுச் செல்வதைத் தடுத்தனர், ஆனால் முழுமையான தேடுதலுக்குப் பிறகும் யாரும் கண்டுபிடிக்கப்படவில்லை.
இதனிடையே, உடல் வெப்பநிலை குறைந்ததற்கான அறிகுறிகளுடன் இருந்த ஐந்து பேரை தீயணைப்பு வீரர்கள் பின்னர் கண்டனர். சம்பவம் தொடர்பான விசாரணை தொடங்கப்பட உள்ளதாக கடலோரக் காவல்படை தெரிவித்துள்ளது.
ஜூலை மாதம், கலே கடற்கரையில் ஒரு புலம்பெயர்ந்தவரின் சடலம் கண்டெடுக்கப்பட்டதை அடுத்து, இதற்குப் பொறுப்பானவர்கள் பிரித்தானியாவுக்குத் தப்பிச் சென்றுவிட்டார்களா என்பதைக் கண்டறியும் நோக்கில் காவல்துறை விசாரணை ஒன்று தொடங்கப்பட்டது.
ஒரு மாதத்திற்குப் பிறகு, ஆங்கிலக் கால்வாயில் இருந்த ஒரு சிறிய படகில் ஆப்கானிஸ்தான் நாட்டவர் ஒருவர் சடலமாகக் கண்டெடுக்கப்பட்டார். சமீபத்திய பதிவுகளின்படி, கடந்த வாரத்தில் 903 புலம்பெயர்ந்தோர் சிறிய படகுகள் மூலம் பிரித்தானியாவிற்கு வந்துள்ளனர்.
ஆனால், கூடுதலாக 624 புலம்பெயர்ந்தோர் எல்லையைக் கடக்க விடாமல் தடுக்கப்பட்டதாகத் தரவுகள் காட்டுகின்றன. பெல்ஜியம் மற்றும் பிரெஞ்சு கடற்கரைகளை உள்ளடக்கிய ஆங்கிலக் கால்வாயின் 325 மைல் நீளப் பகுதியை, புலம்பெயர்ந்தோர் இங்கிலாந்திற்குச் சிறிய படகுகளில் அனுப்பப் பயன்படுத்துவதாக பெல்ஜிய காவல்துறை கூறியுள்ள நிலையில் இந்தச் செய்தி வெளியாகியுள்ளது.
]]>IPL தொடரை உருவாக்கியதில் முக்கியமான நபர்களில் ஒருவராக கருதப்படும் லலித் மோடி பிரித்தானிய குடியுரிமை பெற்று விட்டதாக அறிவித்துள்ளார்.
இது தொடர்பாக தன்னுடைய X தள பக்கத்தில் அவர் வெளியிட்டு இருந்த கருத்தில், 2026 நவம்பர் 14ம் திகதி ஆக்ஸ்போர்டு யூனியனில் உரையாற்றும் வாய்ப்பு கிடைத்தது மிகவும் பெருமையாக உள்ளது.
என்னுடைய வாழ்வில் முக்கியமான மற்றும் தனிப்பட்ட நிகழ்வு ஒன்றை இப்போது பொதுவெளியில் பகிர்ந்து கொள்கிறேன்.
நான் பிரித்தானிய குடிமகனாக இருப்பதில் பெருமை கொள்கிறேன். குடும்பத்தினர் மற்றும் நண்பர்களுடன் இணைந்து செப்டம்பர் 15ம் திகதி எனக்கு பிரித்தானிய குடியுரிமை கிடைத்ததை சிறப்பாக கொண்டாடினேன் என்று தெரிவித்துள்ளார்.
அந்த தருணம் என்னுடைய வாழ்வில் எப்போதும் நீங்காத ஒன்றாக இருக்கும் என்றும் தெரிவித்துள்ளார்.
பிரித்தானியா பல ஆண்டுகளாக என்னுடைய இல்லமாக இருந்து வருகிறது. இங்குள்ள மக்கள், பாரம்பரியங்கள் மற்றும் மதிப்புகள் மீது ஆழமான மரியாதை கொண்டுள்ளேன் என தெரிவித்துள்ளார்.
பிரித்தானிய குடியுரிமை என்பது சிறப்புரிமை மட்டுமின்றி, அது ஒரு பொறுப்பும் கூட என லலித் மோடி தெரிவித்துள்ளார்.
பெருமை மற்றும் நன்றியுடனுடன் இந்த பொறுப்பை ஏற்றுக் கொள்வதாக லலித் மோடி தன்னுடைய சமூக வலைதள பக்கத்தில் பகிர்ந்து கொண்டுள்ளார்.
லலித் மோடி 2009ம் ஆண்டு மக்களவை தேர்தலை காரணமாக கொண்டு ஐபிஎல் தொடரை தென்னாப்பிரிக்காவில் நடத்தினார்.
இதையடுத்து அவர் இந்திய ரிசர்வ் வங்கியின் அனுமதியின்றி வெளிநாட்டுக்கு அன்னியச் செலாவணி பரிமாற்றம் செய்ததாக கூறி அமலாக்கத்துறை அவர் மீது வழக்குப்பதிவு செய்தது. அப்போது இந்தியாவில் இருந்து வெளியேறி லலித் மோடி பிரித்தானியாவில் குடியேறியது குறிப்பிடத்தக்கது.
]]>இது தொடர்பில் சம்பந்தப்பட்ட துறைகளுக்கு அறிவுறுத்தப்பட்டுள்ளதாகவும் பெண்கள் மற்றும் குழந்தைகள் நல அமைச்சகம் தெரிவித்துள்ளது.
சுமார் 5 மாதங்களுக்கு முன்பு சிறுமி காணாமல்போனதாக அவரது குடும்பத்தினரால் உடுதும்பர பொலிஸில் முறைப்பாடு செய்யப்பட்டிருந்த நிலையில், குகைக்குள் இரண்டு மாத குழந்தையுடன் கண்டுபிடிக்கப்பட்டுள்ளார்.
இந்தச் சம்பவம் தொடர்பாக 23 வயதுடைய இளைஞரும், அவருக்கு உடந்தையாக இருந்ததாக கூறப்படும் உறவினர் ஒருவரும் பொலிஸாரால் கைது செய்யப்பட்டுள்ளனர்.
இது தொடர்பில் அமைச்சர் வெளியிட்டுள்ள அறிக்கையில்,
நக்கிள்ஸ் பகுதியில் பாதுகாப்பற்ற பிரசவத்திற்கு பிறகு 15 வயது சிறுமி ஒரு குழந்தையுடன் கண்டெடுக்கப்பட்ட சம்பவம், ஒரு தாயாக தனக்கு மிகவும் அதிர்ச்சியளிக்கும் செய்தி என்றும் கூறியுள்ளார்.
இந்த சம்பவம் ஒரு தனிப்பட்ட நிகழ்வாக கருதப்படவில்லை என்றும், தற்போதைய பொருளாதார, சமூக மற்றும் அரசியல் சூழல் உள்ளிட்ட பல்வேறு சிக்கல்களால் குழந்தைகள் பல்வேறு நிலைகளிலும் பல்வேறு வழிகளிலும் பாதுகாப்பின்மையை உணர்கிறார்கள் என்றும் அமைச்சர் சுட்டிக்காட்டுகிறார்.
மேலும், பெற்றோருக்கும் குழந்தைகளுக்கும் இடையிலான பரஸ்பர தொடர்பு மற்றும் தகவல் பரிமாற்றம் படிப்படியாகக் குறைவதும் இதுபோன்ற சம்பவங்களுக்கு ஒரு முக்கிய காரணியாகக் காணப்படுகிறது என்றும் குறிப்பிட்டுள்ளார்.
இதன் காரணமாக, குழந்தைகளுக்கு மிகவும் பாதுகாப்பானதாக இருக்க வேண்டிய அவர்களின் நெருங்கிய சூழலிலேயே அவர்கள் பாதுகாப்பின்மையை உணரும் போக்கு ஏற்பட்டுள்ளது என்றும் அமைச்சர் சுட்டிக்காட்டியுள்ளார்.
சூழ்நிலைகள் எப்படி இருந்தாலும், அனைத்துப் பெற்றோர்களும் தங்கள் குழந்தைகளிடம், "பெற்றோருடன் அவர்கள் பாதுகாப்பாக இருக்கிறார்கள்" என்ற அசைக்க முடியாத நம்பிக்கையை உருவாக்கப் பாடுபட வேண்டும் என்றும் அவர் வலியுறுத்தியுள்ளார்.
குடும்பத்திற்குள் அத்தகைய பாதுகாப்பான சூழலையும் வெளிப்படையான உரையாடலையும் உருவாக்குவதன் மூலம், இதுபோன்ற ஆபத்தான மற்றும் அதிர்ச்சியூட்டும் சம்பவங்கள் நிகழ்வதை பெருமளவில் குறைக்க முடியும் என்றும் அமைச்சர் கூறியுள்ளார்.
இத்தகைய சூழ்நிலைகளில் பாதிக்கப்படக்கூடியவர்களாக அல்லது பாதுகாப்பின்மையுடன் இருப்பவர்களுடன் நேரடியாகவோ அல்லது மறைமுகமாகவோ தொடர்புகொண்டு தலையிடும் அனைத்துத் தரப்பினரும், அத்துடன் அரச நிறுவனங்களும், மக்களுக்கு நெருக்கமான, எளிதில் அணுகக்கூடிய மற்றும் அதிக நம்பிக்கைக்குரிய நிறுவனங்களாக மாற வேண்டும் என்ற செய்தியை இந்த சம்பவம் எடுத்துக்காட்டுவதாகவும் தெரிவித்துள்ளார்.
நாட்டின் குழந்தைகள் மீது அனைத்து குடிமக்களும் அதிக உணர்வுடனும் கவனத்துடனும் இருக்குமாறு அமைச்சர் சரோஜா சாவித்ரி பவுல்ராஜ் கேட்டுக்கொண்டுள்ளார்.
நீண்ட காலமாக உடலநலக் குறைவினால் பாதிக்கப்பட்டிருந்த தமிழ்த்தேசியக் கட்சியின் செயலாளர் நாயகமும்,முன்னாள் நாடாளுமன்ற உறுப்பினருமான எம்.கே.சிவாஜிலிங்கம் தமது 69 வயதில் நேற்று (14) இரவு காலமானார்.
அன்னாரின் இறுதிக்கிரியைகள் நாளை 16.11.2026 திங்கட்கிழமை காலை 10.00 மணிக்கு, அவர் வசித்து வந்த வல்வெட்டித்துறை, நெடியகாடு, கல்றோட் வீதியிலுள்ள இல்லத்தில் நடைபெறவுள்ளது.
அதனைத்தொடர்ந்து, நண்பகல் 12.00 மணியளவில் வல்வெட்டித்துறை சந்தியில் அன்னாரின் பூதவுடல் பொதுமக்களின் அஞ்சலிக்காக வைக்கப்பட்டு, அஞ்சலி உரைகளும் இடம்பெறவுள்ளது.
இதன் பின்னர், அன்னாரின் பூதவுடல் வல்வெட்டித்துறை ஊறணி இந்து மயானத்திற்கு எடுத்துச் செல்லப்பட்டு தகனம் செய்யப்படவுள்ளது.
அன்னாரின் பூதவுடல் தற்போது வல்வெட்டித்துறை, நெடியகாட்டில் அமைந்துள்ள அவரது இல்லத்தில் அஞ்சலிக்காக வைக்கப்பட்டுள்ளது.
இந்த அறிவித்தலை உற்றார், உறவினர், நண்பர்கள் மற்றும் தமிழ்த்தேசிய உணர்வாளர்கள் அனைவரும் ஏற்றுக்கொள்ளுமாறு குடும்பத்தினர் கேட்டுக்கொண்டுள்ளனர்.
தமிழ்த்தேசியப் பற்றாளரின் இறுதிப் பயணத்தில் அனைவரும் கலந்துகொண்டு அஞ்சலி செலுத்துமாறு அழைக்கப்பட்டுள்ளனர்.
]]>
ரஜினிகாந்த் இன்றும் தமிழ் சினிமாவின் நம்பர் 1 ஆக இருந்து வருபவர். இவருக்கு என உலகம் முழுவதும் கோடிக்கணக்கான ரசிகர்கள் உள்ளனர். இந்நிலையில் ரஜினி நடிப்பில் வெளியான ஜெய்லர் 2 படம் உலகம் முழுவதும் ரூ. 830 கோடிகளுக்கு மேல் வசூல் செய்து பிரமாண்ட சாதனையை நிகழ்த்தியது.
இதை தொடர்ந்து தயாரிப்பாளர் சங்கம் இத்தகைய வசூலை பாராட்டி, ரஜினியை சந்தித்து நினைவு பரிசெல்லாம் கொடுத்தார்கள். அவர்கள் பரிசு கொடுத்த அதே நாள்தான் சூர்யாவின் சீன் படம் வெளியானது, அதனால் ரஜினி அவர்களை சந்திக்கும் போது, சீன் படம் எப்படியிருக்கு? ஓப்பனிங் எல்லாம் எப்படி சூப்பரா? என கேட்டு தெரிந்துகொண்டதாக பிரபல தயாரிப்பாளர் தனஞ்செயன் சமீபத்தில் ஒரு பேட்டியில் கூறியுள்ளார்.
இதை பார்த்த எல்லோரும் இந்த பண்புதான் ரஜினியை இன்றும் உச்சத்தில் வைத்துள்ளது என பாராட்டி வருகின்றனர்.
]]>தமிழீழ விடுதலை இயக்கத்தின் ஆரம்பகால உறுப்பினராகத் தன் அரசியல் வாழ்வைத் தொடங்கிய அவர், 2001 முதல் 2010 வரை யாழ்ப்பாண மாவட்டத்தின் நாடாளுமன்ற உறுப்பினராகப் பணியாற்றினார்.
2013ஆம் ஆண்டு வடமாகாண சபை உறுப்பினராகத் தெரிவானபோது, இறுதிப் போர் நடந்த முள்ளிவாய்க்கால் மண்ணிலேயே பதவிப் பிரமாணம் எடுத்தார்.
2010, 2019 ஆகிய ஆண்டுகளில் ஜனாதிபதித் தேர்தலில் போட்டியிட்டு, தமிழர் தரப்பின் கோரிக்கைகளைத் தேசிய அரங்கில் உரத்து ஒலித்தார். இறுதியாக வல்வெட்டித்துறை நகர சபையின் தவிசாளராகப் பொறுப்பேற்றுத் தன் மண்ணின் மக்களுக்குப் பணியாற்றினார்.
பதவிகளைவிட, அவர் வாழ்ந்த விதமே அவரை அடையாளப்படுத்தியது. தன் வாழ்நாள் முழுவதையும் தமிழ்த் தேசத்தின் விடுதலைக்காகவும், தமிழ் மக்களின் அரசியல் விடிவுக்காகவும் அர்ப்பணித்தவர் அவர்.
தமிழர் தாயகத்தின் மீது சிங்கள தேசம் மேற்கொண்ட அடக்குமுறைகளுக்கு எதிராக எவ்வித அச்சமும் இன்றிக் குரல் கொடுத்தவர். போர்க்குற்றங்களுக்குச் சர்வதேச விசாரணை வேண்டும் என்று பல ஆண்டுகளாக வெளிப்படையாக வலியுறுத்தியவர். பலரும் அச்சத்தில் ஒதுங்கியிருந்த காலப்பகுதியில் நினைவேந்தல்களைத் துணிவோடு முன்னெடுத்தவர்.
நோயோடு போராடிய இறுதி நாட்கள் வரை, இந்த இனத்தின் அரசியல் விடிவே தன் ஒரே குறிக்கோள் என்பதிலிருந்து அவர் விலகவில்லை. தமிழ்த் தேசிய இனத்தின் அரசியல் ஆன்மாவில் அவர் ஆற்றிய பங்கை, அவர் வகித்த பதவிகளால் அளவிட முடியாது.
தனித்து நிற்க நேர்ந்த வேளைகளிலும் தன் நிலைப்பாட்டை விட்டுக்கொடுக்காமல், நீதிக்கான கோரிக்கையும் உயிர்நீத்தவர்களுக்கான நினைவும் மறக்கடிக்கப்படாமல் காத்த சிலரில் அவரும் ஒருவர். அத்தகைய ஒருவரின் இழப்பு, இந்த இனத்திற்கு அரசியல் ரீதியாகவும் ஆழமான வெற்றிடத்தை ஏற்படுத்தியுள்ளது.
இன்று நாம் உணர வேண்டிய இன்னொரு கசப்பான உண்மையும் உண்டு. நம் தேசத்தையும் தேசிய இனத்தையும் உளமார நேசிக்கும், எஞ்சியிருக்கும் பற்றாளர்களை நாம் தொடர்ச்சியாக இழந்துகொண்டிருக்கிறோம். இந்த இழப்புகள் இப்போது முடிவற்ற தொடர்கதையாகி வருகின்றன.
இந்நிலையில், தமிழ்த் தேசிய இனம் தன் அரசியல் அடைவுகளை எட்டுவதற்கும், அதற்கான ஒழுங்கமைந்த பாதையில் உறுதியோடு பயணிப்பதற்கும் இன்று எந்த அளவு வலிமை பெற்றிருக்கிறது என்ற கேள்வி நம் முன்னே நிற்கிறது. அண்ணன் சிவாஜிலிங்கம் போன்றோரின் தியாகத்திற்கும் உழைப்பிற்கும் நாம் செலுத்தும் உண்மையான அஞ்சலி, இந்தக் கேள்விக்குச் செயலால் விடை தருவதே ஆகும்.
அவர் சுமந்த கனவைத் தொடர்ந்து சுமப்போம். அவர் காட்டிய உறுதியை நம் வழிகாட்டியாகக் கொள்வோம். அண்ணனின் பிரிவால் துயருறும் அவரது குடும்பத்தினருக்கும், உறவினர்களுக்கும், தோழர்களுக்கும், ஒட்டுமொத்த தமிழ்த் தேசிய உலகிற்கும் எமது ஆழ்ந்த இரங்கலைத் தெரிவித்துக் கொள்கிறோம்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பாலிவுட் திரையுலகின் முன்னணி ஹீரோவான ரன்பீர் கபூர் ராமராக நடித்து கடந்த வாரம் வெளியான திரைப்படம் ராமாயணா முதல் பாகம். இப்படத்தில் நடிகை சாய் பல்லவி சீதையாகவும், நடிகர் யஷ் ராவணனாகவும் நடித்துள்ளனர். ரூ. 2000 கோடி பட்ஜெட்டில் எடுக்கப்பட்ட இப்படம் ரசிகர்களிடையே அமோக வரவேற்பை பெற்று வருகிறது.
ராமாயணா திரைப்படம் முதல் நாளிலிருந்து எவ்வளவு வசூல் செய்து வருகிறது என்ற விவரத்தை நாம் தொடர்ந்து பார்த்து வருகிறோம். ரூ. 2000 கோடி என்கிற இமாலய இலக்கை இப்படம் எட்டுமா என்பது ரசிகர்களின் கனவாக இருக்கிறது. இந்த நிலையில், 10 நாட்களில் ராமாயணா முதல் பாகம் உலகளவில் செய்துள்ள வசூல் குறித்த தகவல் வெளியாகியுள்ளது. அதன்படி, 10 நாட்களில் உலகளவில் இப்படம் ரூ. 1210+ கோடி வசூல் செய்துள்ளது.
பொறுப்பு துறப்பு: ராமாயணா முதல் பாகத்தின் 10 நாட்கள் வசூல் குறித்து இங்கு பதிவு செய்யப்பட்டுள்ள தகவல் அதிகாரபூர்வமானது அல்ல என்பது குறிப்பிடத்தக்கது.
]]>சுகாதார அமைச்சகத்தின் 4 சேவை பிரிவுகளின் கீழ் 223 பேரின் நியமன விழாவில் நேற்று (14) கலந்துகொண்டபோது அமைச்சர் இவ்வாறு கூறியுள்ளார்.
அரச ஊழியர்களின் சம்பளம் மற்றும் கொடுப்பனவு உள்ளிட்ட செலவுகள் அனைத்தும், இந்த நாட்டில் பொதுமக்கள் செலுத்தும் வரி வருவாயிலிருந்து ஈடுசெய்யப்படுவதாகவும் கூறியுள்ளார்.
எனவே, அரச நிதிகள் தொடர்பான நல்ல புரிதலுடனும் பொறுப்புணர்வுடனும் தமது கடமைகளை ஆற்றுவது ஒவ்வொரு அரச ஊழியரின் கடமையாகும் என்று அமைச்சர் சுட்டிக்காட்டியுள்ளார்.
இந்த மாத இறுதிக்குள் 1,600 முதன்மை நிலை மருத்துவ அதிகாரிகள் சுகாதார அமைப்பில் நியமிக்கப்பட உள்ளதாகவும் அமைச்சர் கூறியுள்ளார்.
மேலும், அரசாங்கத்தால் செயல்படுத்தப்படும் சம்பளத் திருத்தங்களால் புதிய நியமனம் செய்யப்படுபவர்களும் பயனடைவார்கள் என்றும், ஜனவரி மாதம் அடிப்படைச் சம்பள உயர்வும், ஜூலை மாதம் முதல் கொடுப்பனவுகளில் உயர்வும் வழங்கப்படும் என்றும் அமைச்சர் தெரிவித்துள்ளார்.
]]>
இந்த நடவடிக்கைகளுக்கு சட்ட ஆலோசனைகளை வழங்கி வருபவர், பசில் ராஜபக்சவின் நெருங்கிய நண்பரான முன்னாள் பிரதம நீதியரசர் சரத் என். சில்வா எனவும் தகவல்கள் தெரிவிக்கின்றன.
அமெரிக்காவிற்குச் சென்றுள்ள பசில் ராஜபக்சவை கைது செய்யுமாறு பிடியாணை பிறப்பிக்கப்பட்டுள்ளதாகக் கூறப்படும் நிலையில், சில தொழிற்சங்கங்களும் பல்வேறு குழுக்களும் இணைந்து அரசாங்கத்திற்கு எதிரான போராட்டங்களை முன்னெடுத்திருந்தன.
அதேவேளை, முன்னாள் ஜனாதிபதி கோட்டாபய ராஜபக்சவுக்கு நீதிமன்றத்தினால் வெளிநாட்டுப் பயணத் தடையும் விதிக்கப்பட்டுள்ளது.
இதற்கிடையில், அரச புலனாய்வுச் சேவையின் முன்னாள் பிரதானி சுரேஷ் சலே சாகும் வரையிலான உண்ணாவிரதப் போராட்டத்தை ஆரம்பித்ததுடன், அதற்கு இணையாகப் பல்வேறு போராட்டங்களும் முன்னெடுக்கப்பட்டிருந்தன.
இவ்வாறான பின்னணியில், தற்போது மீண்டும் பல்வேறு நடவடிக்கைகள் முன்னெடுக்கப்பட்டு வருவதாகத் தகவல்கள் வெளியாகியுள்ளன.
அரச மருத்துவ அதிகாரிகள் சங்கத்தினால் முன்னெடுக்கப்பட்ட போராட்டம் மற்றும் பலாங்கொட கஸ்ஸப தேரர் உள்ளிட்ட தரப்பினரால் நடத்தப்பட்ட போராட்டங்கள் ஆகியவை இத்தகைய நடவடிக்கைகளில் குறிப்பிடத்தக்கவையாக அமைந்துள்ளதாக அரசியல் ஆய்வாளர்கள் சுட்டிக்காட்டியுள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
ஈரானுக்கு எதிராக அமெரிக்கா மற்றும் இஸ்ரேல் இணைந்து கடந்த பெப்ரவரி 28ஆம் திகதி நடத்திய வான்வழி தாக்குதலில் அந்நாட்டின் உயர் தலைவர் அயதுல்லா அலி கொமெய்னி, அவருடைய குடும்பத்தினர் உட்பட ஆயிரக்கணக்கானோர் படுகொலை செய்யப்பட்டனர்.
பல மாதங்களாக இந்த மோதல் நீடித்து வந்த நிலையில், ஈரானுக்கு எதிரான தாக்குதலை அமெரிக்கா நிறுத்தியது. இதனால், மத்திய கிழக்கு பகுதியில் பதற்றம் சற்று தணிந்துள்ளது.
எனினும், அவ்வப்போது ஈரான் மீது அமெரிக்கா தாக்குதலில் ஈடுபட்டு வருகிறது. அதனை ஈரானும் தடுத்து வருகிறது.
இந்த நிலையில், ஈரானுக்கு உட்பட்ட காஷிம் தீவின் மீது தாக்குதல் நடத்தும் நோக்கில் பறந்து வந்த அமெரிக்காவின் எம்.கியூ.-1 ரக 17-வது ட்ரோன், வழியிலேயே மறிக்கப்பட்டு, அழிக்கப்பட்டது என்று ஈரான் தெரிவித்து உள்ளது.
புதிய நவீன வான்வெளி பாதுகாப்பு சாதனம் உதவியுடன் அந்த ட்ரோன் தாக்கப்பட்டு உள்ளது. இது எதிரியின் தாக்குதல் திட்டத்தின் மற்றொரு தோல்வியாகும் என்றும் குறிப்பிட்டது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
இலங்கையின் கிழக்கே வங்காள விரிகுடா கடல் பகுதியில் அமைந்துள்ள குறைந்த காற்றழுத்தப் பகுதியில் நகர்வு காரணமாக பலத்த காற்று மற்றும் கொந்தளிப்பான கடல் நிலவக்கூடும் என சிவப்பு எச்சரிக்கை விடுக்கப்பட்டுள்ளது.
தென்கிழக்கு வங்காள விரிகுடா கடல் பகுதி மற்றும் காங்கேசன்துறை முதல் திருகோணமலை வரையிலும், பொத்துவில் முதல் ஹம்பாந்தோட்டை வரையிலும் உள்ள கடலோரப் பகுதிகளில் பயணிக்கும் பல நாள் கடற்றொழில் கப்பல்களுக்கு இந்த எச்சரிக்கை விடுக்கப்பட்டுள்ளது.
இலங்கையின் கிழக்கே வங்காள விரிகுடா கடல் பகுதியில் அமைந்துள்ள குறைந்த காற்றழுத்தப் பகுதி, வடக்கு மற்றும் வடமேற்கு நோக்கி நகர்ந்து இன்று (15) காற்றழுத்தத் தாழ்வு மண்டலமாக உருவாக வாய்ப்புள்ளது என வளிமண்டலவியல் திணைக்களம் தெரிவித்துள்ளது.
அதன்படி, இந்த வானிலை அமைப்பு நாளை (16) மத்திய வங்காள விரிகுடா கடல் பகுதியில் புயலாக உருவாக வாய்ப்புள்ளது.
இதன் காரணமாக, 5 முதல் 15 டிகிரி வடக்கு அட்சரேகை மற்றும் 80 முதல் 90 டிகிரி கிழக்கு தீர்க்கரேகைக்கு இடைப்பட்ட கடல் பகுதிகளிலும், காங்கேசன்துறை முதல் திருகோணமலை வரையிலும், பொத்துவில் முதல் ஹம்பாந்தோட்டை வரையிலும் உள்ள கடலோரப் பகுதிகளிலும் மறு அறிவிப்பு வரும் வரை கடற்றொழில் மற்றும் கப்பல் போக்குவரத்து நடவடிக்கைகளைத் தவிர்க்குமாறு அறிவுறுத்தப்பட்டுள்ளது.
சம்பந்தப்பட்ட கடல் பகுதிகளில் ஏற்கனவே கடற்றொழில் மற்றும் கப்பல் போக்குவரத்து நடவடிக்கைகளில் ஈடுபட்டுள்ளவர்கள் உடனடியாக பாதுகாப்பான இடங்களுக்கு செல்லுமாறும் மேலும் அறிவுறுத்தப்பட்டுள்ளது.
முதலாம் இணைப்பு
இலங்கைக்கு கிழக்கே வங்காள விரிகுடாவில் அமைந்துள்ள குறைந்த காற்றழுத்த பகுதி, இன்று காலை (15) நிலவரப்படி திருகோணமலையிலிருந்து சுமார் 600 கி.மீ. கிழக்கே நிலை கொண்டிருந்ததாக வளிமண்டலவியல் திணைக்களம் தெரிவித்துள்ளது.
இதன் காரணமாக இந்த அமைப்பு இலங்கையின் கிழக்கு கடற்கரையிலிருந்து மேலும் வடக்கு நோக்கி, வடமேற்கு திசையில் நகர்ந்து, இன்றுக்குள் ஒரு 'தாழ்வழுத்தமாக' உருவாக வாய்ப்புள்ளதாகவும் எதிர்பார்க்கப்படுகிறது.
இந்த அமைப்பின் தாக்கத்தால், இன்று நாடு முழுவதும் வானம் மேகமூட்டம் காணப்படும் என்றும் தெரிவிக்கப்படுகிறது. வடக்கு, வடமத்திய மற்றும் கிழக்கு மாகாணங்களில் அவ்வப்போது மழை பெய்ய வாய்ப்புள்ளது.
மேலும் மேற்கு மற்றும் வடமேற்கு மாகாணங்களிலும், காலி மற்றும் மாத்தறை மாவட்டங்களிலும் சில நேரங்களில் மழை பெய்யும்.
நாட்டின் மற்ற பகுதிகளில் மாலை அல்லது இரவு நேரங்களில் சில இடங்களில் மழை அல்லது இடியுடன் கூடிய மழை பெய்ய வாய்ப்புள்ளது.
மேற்கு, சபரகமுவ, மத்திய மற்றும் ஊவா மாகாணங்களிலும், காலி, மாத்தறை மற்றும் குருநாகல் மாவட்டங்களிலும் அதிகாலை நேரங்களில் சில இடங்களில் பனிமூட்டமான சூழல் நிலவக்கூடும் என வளிமண்டலவியல் திணைக்களம் தெரிவித்துள்ளது.
]]>
யாழ். வடமராட்சி ஊடக இல்லம் வெளியிட்டுள்ள இரங்கல் அறிக்கையில் தெரிவிக்கப்பட்டுள்ளதாவது,
அடக்குமுறைகளை உரமாக்கி விடுதலை அரசியலை விழுதெறிந்தோங்கச் செய்த வீரனே நிம்மதியாக உறங்குங்கள்.
தமிழர் விடுதலைக்காக வரலாற்றின் வழியே ஆயுதமேந்திய போராளியாகவும், அரசியல் நீரோட்டத்திலும் அதே கொள்கை வீச்சுடன் தமிழ்த் தேசியப் போராளியாகவும் சுமார் ஐம்பதாண்டு காலம் சமரசமின்றித் தமிழ் மக்களுக்காகக் களமாடிய வீரனே சிவாஜிலிங்கம்.
தமிழர் தேச வரலாற்றில் என்றென்றும் ஒளிவீசும் அணையா விளக்காகப் பிரகாசிக்கும் ஒரு விடுதலைச் சுடரே மறைந்துள்ளது.
முன்னாள் நாடாளுமன்ற உறுப்பினரும், முன்னாள் வடக்கு மாகாண சபை உறுப்பினரும், வல்வெட்டித்துறை நகர சபையின் தவிசாளருமான மகாலிங்கம் கனகலிங்கம் சிவாஜிலிங்கத்தின் இழப்பு தமிழ்த் தேசிய அரசியலில் என்றும் ஈடுசெய்ய முடியாத ஒரு பேரிழப்பாகும்.
அன்னாரின் மறைவால் மீளாத் துயருற்றிருக்கும் குடும்பத்தினர், உற்றார் உறவினர்கள், நண்பர்கள் மற்றும் தமிழ்த் தேசிய ஆர்வலர்கள் அனைவருக்கும் எமது ஆழ்ந்த இரங்கல்களைத் தெரிவித்துக்கொள்கின்றோம் என்றுள்ளது.
முன்னாள் நாடாளுமன்ற உறுப்பினரும், வல்வெட்டித்துறை நகரசபைத் தலைவருமான எம்.கே. சிவாஜிலிங்கம் உடல்நலக் குறைவு காரணமாக பருத்தித்துறை ஆதார வைத்தியசாலையின் தீவிர சிகிச்சைப் பிரிவில் அனுமதிக்கப்பட்டு சிகிச்சை பெற்று வந்த நிலையில் நேற்றிரவு (14.11.2026) 69 வயதில் காலமாகியுள்ளமை குறிப்பிடத்தக்கது.
]]>
இயக்குநர் நெல்சன் திலீப்குமார் இயக்கத்தில் சூப்பர்ஸ்டார் ரஜினிகாந்த் நடிப்பில் உருவாகி கடந்த அக்டோபர் மாதம் வெளியான திரைப்படம் ஜெயிலர் 2. இப்படத்தில் ரஜினியுடன் இணைந்து எஸ்.ஜே. சூர்யா, வித்யா பாலன், சிவராஜ் குமார், மோகன்லால், ரம்யா கிருஷ்ணன், மிர்னா, யோகி பாபு, நமோ நாராயணன் உள்ளிட்ட பல நட்சத்திரங்கள் நடித்திருந்தனர். ராக்ஸ்டார் அனிருத் இப்படத்திற்கு இசையமைத்துள்ளார்.
ஜெயிலர் 2 திரைப்படத்திற்கு ரசிகர்கள் மத்தியில் அமோக வரவேற்பு கிடைக்க உலகளவில் ரூ. 840 கோடியை கடந்து வசூல் செய்துள்ளது. ஆனால், இப்படம் உலகளவில் ரூ. 1000 கோடி வசூல் செய்யும், இதன் மூலம் தமிழ் சினிமாவின் முதல் ரூ. 1000 கோடி திரைப்படம் என்கிற சாதனையை படைக்கும் என ரசிகர்களால் எதிர்பார்க்கப்பட்டது. ஆனால், தற்போது அது நடக்கவில்லை.
ஜெயிலர் 2 பாக்ஸ் ஆபிஸில் ரூ. 1000 கோடி வசூல் செய்யவில்லை என்றாலும், உலகளவில் செய்த வசூல் + OTT பிசினஸ் + Satellite + Music என Revenue மூலம் ரூ. 1000 கோடியை தொட்டுள்ளது என தகவல் வெளியாகியுள்ளது. இதன்மூலம், ரூ. 1000 கோடியை தொட்ட முதல் தமிழ் திரைப்படம் ஜெயிலர் 2 என்ற சாதனையை படைத்துள்ளது.
பொறுப்பு துறப்பு: ஜெயிலர் 2 குறித்து இங்கு பதிவு செய்யப்பட்டுள்ள தகவல் அதிகாரப்பூர்வமானது அல்ல என்பது குறிப்பிடத்தக்கது.
]]>தேசிய தணிக்கை அலுவலகம் வெளியிட்ட சமீபத்திய தணிக்கை அறிக்கை ஒன்றில் மேற்கண்ட விடயம் சுட்டிக்காட்டப்பட்டுள்ளது.
இந்த வாகனங்கள் ஜனாதிபதி செயலகத்தின் பெயரில் மோட்டார் போக்குவரத்துத் துறையில் பதிவு செய்யப்பட்டிருந்தபோதிலும், அவை உண்மையில் இருந்தனவா என்பதைச் சரிபார்க்க முடியவில்லை என அறிக்கை கூறியுள்ளது.
இந்த விடயம் 2021 ஆம் ஆண்டின் தணிக்கை அறிக்கைகளிலும் சுட்டிக்காட்டப்பட்டுள்ளது.
இதன்படி குறித்த வாகனங்கள் எந்தவொரு நிறுவனத்திற்கோ அல்லது தனிநபருக்கோ ஒப்படைக்கப்பட்டன என்பதற்கு எந்த எழுத்துப்பூர்வ ஆதாரமும் சமர்ப்பிக்கப்படவில்லை என்றும் தணிக்கை அறிக்கை குறிப்பிட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
இதன்போது மாவீரர்களது பெற்றோர்கள் கண்டிவீதியில் இருந்து நிகழ்வு இடம்பெறும் மண்டபம் வரை மங்கள வாத்தியம் முழங்க ஊர்வலமாக அழைத்துச்செல்லப்பட்டு மதிப்பளிக்கப்பட்டது.
அதனைத்தொடர்ந்து மாவீரர்களுக்கான நினைவேந்தல் நிகழ்வும் இடம்பெற்றது.
பிரதான ஈகைசுடரினை மாவீரர்களின் தாயாரான செபஸ்தியாம்பிள்ளை புஸ்பவதி அம்மையார் ஏற்றிவைத்து நிகழ்வை ஆரம்பித்து வைத்தார். அதனைத்தொடர்ந்து மாவீரர்களின் திருவுருவ படத்திற்கு ஒளிதீபம் ஏற்றி மலர்தூவி, அஞ்சலி செலுத்தப்பட்டது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
தற்களை உள்ளே வைத்துக்கொண்டு ஆடும் ஆட்டத்தால் எந்தப் பயனும் இல்லை எனவும் சாமர சம்பத் தெரிவித்துள்ளார்.
வரவு - செலவுத் திட்ட விவாதத்தில் கலந்துகொண்டு உரையாற்றிய அவர், அரசாங்கத்தின் செயற்பாடுகள் மற்றும் வரவு - செலவுத் திட்டம் குறித்துக் கடுமையான விமர்சனங்களை முன்வைத்தார்.
இது தொடர்பாக அவர் மேலும் கூறுகையில், "இம்முறை சமர்ப்பிக்கப்பட்டுள்ள வரவு - செலவுத் திட்டம் மக்களுக்கு வெற்று வாக்குறுதிகளை வழங்கும் ஒரு தென்னம் காசி(கடன்) வரவு - செலவுத் திட்டமாகும்.
இதன் மூலம் மக்களுக்குக் கிடைக்க வேண்டிய நிதி அதிகரிப்பு அடுத்த ஆண்டு ஜூலை மாதத்திலேயே நடைமுறைக்கு வரும்.
ஆனால், அந்தக் காலப்பகுதி வரும்போது நாட்டில் அத்தியாவசியப் பொருட்களின் விலைகள் விண்ணை முட்டும் அளவிற்கு உயர்ந்திருக்கும்" என தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |